رابی پیرزادہ کا "رشک قمر" آپ کے ہوش اڑا دے گا


پاکستان کی تاریخ میں لوگوں کے سامنے ایسے ایسے فنکار ابھر کر سامنے آئے جن کو شاید رہتی دنیا تک یاد رکھا جائے گا، ان میں ایک نام فن قوالی کو پوری دنیا میں متعارف کرانے والے عظیم قوال استاد نصرت فتح علی خان کا بھی ہے۔ استاد نصرت فتح علی خان صاحب نے اپنی زندگی میں شاندار گیت اور قوالیاں گائیں جنہیں سُن کر شائقین آج بھی ایک عجیب سی خوشی اور سکون محسوس کرتے ہیں۔

نصرت فتح کے کئی کامیاب گیتوں میں سے ایک 'میرے رشک قمر' بھی ہے، جو دنیا بھر میں آج بھی کافی مقبول ہے، اس گانے کو کئی معروف اور نامور گلوکاروں نے دوبارہ گایا البتہ نصرت فتح خان جیسا اس گیت کو کوئی بھی نہیں گا سکا۔ ان تمام گلوکاروں میں ایک اور گلوکارہ بھی ہیں، جنہوں نے اپنا نام بھی نصرت فتح علی خان کے اس گانے کو ری مکس کرنے کی فہرست میں شامل کروا لیا۔

گلوکارہ رابی پیرزادہ نے بھی نصرت فتح علی خان کے اس شاندار گانے کا ری مکس کیا، جس کی سوشل میڈیا پر کافی چرچا ہورہی ہے۔ اس گانے کو گلوکارہ نے شیئر کیا، اور لکھا 'انتظار ختم ہوا، بانو کِلر اس سال کے سب سے پسندیدہ گانے میرے رشک قمر کے ساتھ آچکی ہے، لڑکیاں کمزور نہیں ہوتی، اور وہ اپنے حق کے لیے لڑ بھی سکتی ہیں'۔

اس گانے میں گلوکارہ جامنی اور پیلے رنگ کے لباس میں غنڈوں سے لڑتی نظر آئیں، اس گانے میں ان کے ہاتھ میں ہتھیار اور سانپ بھی تھے، کہانی کچھ ایسی پیش کی گئی کہ انہوں نے خود کو ملے ہوئے دھوکے کا بدلہ لیا۔

اگر غیر جانب داری سے دیکھا جائے تو گانے کی فلم بندی خاصی بے تکے انداز سے کی گئی ہے، لیکن سب سے اہم سوال یہ ہے کہ کیا نصرت فتح علی خان کے اس معروف گانا کا اس طرح سے ری-مکس بنانا صحیح ہے؟

لوگوں نے اس گانے پر سوشل میڈیا میں اپنی اپنی رائے کا اظہار کیا، جو زیادہ تر منفی ہی رہا۔

ایک صارف کا کہنا تھاکہ رابی پیرزادہ نے نصرت فتح علی خان کے گانے کے ساتھ جو کچھ کیا اس کے بعد وہ واحد خاتون ہیں جنہوں نے خود کو فوجی عدالت میں مقدمہ چلانے کے لیے اہل کرلیا۔

انہوں نے کہا کہ رابی پیرزادہ کی میرے رشک قمر کا ورژن نصرت فتح علی خان کے ساتھ ہونے والی گستاخی ہے۔

ایک خاتون نے اپنی مایوسی کا اظہار کرتے ہوئے کہا کہ 2017 ایک بیکار سال ہے کیونکہ ہر گلوکار نے نصرت فتح علی خان کے گانے کا مذاق بنادیا، کیا آپ لوگ کچھ اپنا نہیں کرسکتے۔

انہوں نے کہا کہ نصرت فتح خان آپ سے معافی مانگتے ہیں، میں اس ذلت کے حوالے سے کچھ بھی نہیں کرسکتا۔

ان کے مطابق رابی پیرزادہ جیسے اناڑی گلوکاروں کے لیے یہ غیر قانونی ہے کہ وہ نصرت فتح علی خان جیسے عظیم گلوکار کا گانا گائیں۔

ان کا کہنا تھا کہ رشک قمر کی سچ میں کمر (قمر) توڑ دی رابی پیرزادہ نے۔

ایک خاتون کا کہنا تھا کہ ابھی رابی پیرزادہ کا رشک قمر سنا، اور میں بس نصرت فتح علی خان نے معافی مانگنا چاہتی ہوں، ہم نے انہیں مایوس کیا۔

اور انہوں نے گلوکارہ پر تنقید کرتے ہوئے کہا کہ نصرت فتح علی خان کی روح تڑپ رہی ہوگی۔

اب یہ تو لوگوں کی سوشل میڈیا پر رائے تھی، لیکن ہم اپنی میوزک انڈسٹری سے سوال کرنا چاہتے ہیں کہ آخر نصرت فتح علی خان جیسے عظیم گلوکار کے گانے کو اس طرح ریلیز کرنے کی اجازت کیسے دے دی گئی؟

ایسے کئی گلوکار موجود ہیں جو اپنے خود کے گانے بناکر سوشل میڈیا پر شیئر کرتے جن کی ایک مثال طاہر شاہ کی ہے اور امید ہے کہ رابی پیرزادہ ان سے ہی کچھ سیکھ لیں گی :-

اپنی رائے کا اظہار کریں

Your email address will not be published. Required fields are marked *