مردم شماری کے آغاز پر ہی لاہور میں دہشتگردانہ حملے کی اطلاعات تھیں ، رانا ثناء اللہ

12

لاہور۔ وزیرقانون پنجاب رانا ثناء اللہ نے کہا ہے کہ مردم شماری کے آغاز پر ہی لاہور میں دہشتگردانہ حملے کی اطلاعات تھیں۔تفصیلات کے مطابق بیدیاں روڈ پر مردم شماری ٹیم کی گاڑی پر خودکش دھماکے کے بعد رانا ثناء اللہ نے گفتگو کرتے ہوئے دو فوجیوں اور دو شہریوں کے شہید ہونے کی تصدیق کردی ہے۔وزیرقانون نے کہا کہ مردم شماری ٹیم کو کور کرنے والی گاڑی کو نشانہ بنایا گیا جبکہ کافی دنوں سے اطلاعات موصول ہورہی تھیں کہ ان ٹیموں کو نشانہ بنایا جاسکتا ہے۔انہوں نے کہا کہ افغانستان میں دہشتگرددوں کی پناہ گاہیں ہیں اور وہاں سے خودکش بمبار تیار کرکے پاکستان بھیجے جارہے ہیں۔

دہشتگردوں کے مکمل خاتمے تک سکیورٹی خطرات رہیں گے۔رانا ثناء اللہ کا کہنا تھا کہ دشمن ہمیں نقصان پہنچانے کیلئے بڑھا چڑھا کر باتیں کرتے ہیں۔یاد رہے کہ لاہور کے بیدیاں روڈ مانانوالہ چوک میں مردم شماری ٹیم کی وین میں خودکش دھماکے کے نتیجے میں 4 فوجیوں سمیت 6 افراد شہید ہوچکے ہیں جبکہ 10 افراد زخمی ہوئے ہیں:۔

اپنی رائے کا اظہار کریں

Your email address will not be published. Required fields are marked *