انیل کپور نے ناممکن خواہش کا اظہارکردیا!

Related image

دبئی -بالی ووڈ فلم اسٹار انیل کپور نے پاکستان آنے کی خواہش ظاہر کر دی۔ گزشتہ روز دبئی میں اپنی نئی فلم ’’مبارکاں‘‘ کی تقریب کے موقع پر ذرائع سے خصوصی بات چیت کرتے ہوئے بالی ووڈ کے ممتاز اداکار انیل کپور کا کہنا تھا کہ پشاور میرے آباؤ اجداد کا گھر ہے، میرے والد اور میرے دادا پشاور کے رہنے والے تھے، دلی خواہش ہے کہ میں پشاور جاؤں جب بھی موقع ملا تو وہاں ضرور جاؤں گا۔

ایک سوال پر ان کا کہنا تھاکہ فنکار آپس میں پیار محبت اورامن آشتی کو فروغ دیتے ہیں، پاکستان اور بھارت کے درمیان بھی فنکاروں کے ایک دوسرے کے ہاں جانے سے دونوں ملکوں کی نفرتیں اور کدورتیں کم ہوں گی۔ ان کا کہنا ہے کہ پاکستانی فنکار باصلاحیت ہیں، ہمیشہ ان کے ساتھ کام کرکے بہت اچھا لگا ہے، میری بیٹی سونم کپور نے بھی پاکستانی فنکار فواد خان کے ساتھ بھارتی فلم میں کام کیا جسے پاکستان اور بھارت سمیت دنیا بھر میں سراہا گیا۔

یہ بات قابل ذکر ہے کہ 24 دسمبر 1956ء میں ممبئی میں پیدا ہونے والے انیل کپور اب تک مسٹر انڈیا، میری جنگ، کرما، وراثت، تیزاب سمیت سیکڑوں فلموں میں اداکاری کے جوہر دکھاچکے ہیں، ان کی بہترین اداکاری پر انھیں متعدد بار بہترین اداکار کے ایوارڈز سے بھی نوازا گیا :-

اپنی رائے کا اظہار کریں

Your email address will not be published. Required fields are marked *