شوال کا چاند دیکھنے کیلئے رویت ہلال کمیٹی کا اجلاس کل ہوگا

شوال کا چاند دیکھنے کے لیے مرکزی رویت ہلال کمیٹی کا اجلاس چیئرمین مفتی منیب الرحمان کی سربراہی میں کل کراچی میں ہوگا۔ چیئرمین مرکزی رویت ہلال کمیٹی مفتی منیب الرحمان کا کہنا ہے کہ شوال کا چاند دیکھنے کے لیے مرکزی رویت ہلال کمیٹی کا اجلاس بعد نماز عصر محکمہ موسمیات کے دفتر میں ہوگا۔مفتی منیب الرحمان کا کہنا ہے کہ چاند کی شہادت دینے کے لیے عوام ان نمبروں 03009285203، 02199261403، 02199261404 پر رابطہ کرسکتے ہیں۔ اس کے علاوہ شوال کا چاند دیکھنے کے لیے رویت ہلال کمیٹی کے صوبائی دفاتر میں بھی اجلاس ہونگے جہاں سے موصول ہونے والی شہادتوں سے متعلق مرکزی کمیٹی کو آگاہ کیا جائے گا۔ ڈائریکٹر محکمہ موسمیات عبدالرشید کے مطابق شوال کے چاند کی پیدائش 14 جون کو رات 12 بجے کے قریب ہوگی اور 14 جون کی شام تک چاند کی عمر 19 گھنٹے تین منٹ ہوگی جب کہ غروب آفتاب کے بعد 39 منٹ تک چاند نظر آنے کا وقت ہے۔عبدالرشید نے بتایا کہ 14 جون کو مطلع کبھی صاف اور کبھی جزوی ابر آلود رہنے کا امکان ہے اور کراچی میں چاند کی عمر 19 گھنٹے 23 منٹ ہوگی لہٰذا 29 رمضان کو چاند نظر آنے کے امکانات کم ہیں:۔

اپنی رائے کا اظہار کریں

Your email address will not be published. Required fields are marked *