معروف گلوکار جسٹن بیبر کی امریکی ماڈل سے منگنی

معروف کینیڈین گلوکار جسٹن بیبر نے امریکی ماڈل ہیلی بالڈ وین سے منگنی کرلی۔

رپورٹس کے مطابق 24 سالہ جسٹن بیبر نے بہاماس کے ایک ریسٹورنٹ میں 21 سالہ ماڈل کو شادی کی پیشکش کرتے ہوئے انگوٹھی پہنا کر منگنی کی۔

خبر میں مزید بتایا گیا کہ جسٹن بیبر کے گارڈز نے ریسٹورنٹ میں موجود تمام افراد سے اس موقع پر اپنے فونز بند کردینے کا مطالبہ کیا۔

گلوکار کی جانب سے اس حوالے سے اب تک کوئی بیان سامنے نہیں آیا، تاہم ان کے گھرانے سے تعلق رکھنے والے افراد سوشل میڈیا پر اپنی خوشی کا اظہار کرتے ہوئے اس خبر کی تصدیق کررہے ہیں۔

جسٹن کے والد جیریمی بیبر نے اپنے انسٹاگرام پر بیٹے کی ایک تصویر شیئر کرتے ہوئے لکھا کہ ’مجھے فخر ہے صرف یہی کہنا کافی نہیں، زندگی کے نئے موڑ کے لیے پرجوش ہوں‘۔

@justinbieber Proud is an understatement! Excited for the next chapter!

A post shared by Jeremy Bieber (@jeremybieber) on

جبکہ گلوکار کی والدہ نے بھی ٹوئٹر پر اپنی خوشی کا اظہار کیا۔

یہ دونوں گزشتہ ایک ماہ سے ساتھ ہیں، تاہم ان کی شادی کے حوالے سے اب تک کوئی خبر سامنے نہیں آئی۔

ہیلی بالڈ ون نے ماڈلنگ کے علاوہ ٹی وی کے کئی شوز اور میوزک ویڈیوز میں بھی کام کیا۔

اپنی رائے کا اظہار کریں

Your email address will not be published. Required fields are marked *