پاکستانی فنکار ’پینسل جھولا‘ تیار کرکے عالمی ریکارڈ قائم کرنے کا خواہشمند

کراچی: زیادہ تر لوگ پینسل کو صرف تحریر کے لیے ہی استعمال کرتے ہیں لیکن کچھ لوگ اس سے فنکاری کے جوہر دکھا کر بھی سب کو حیران کر دیتے ہیں۔ کراچی سے تعلق رکھنے والے فنکار بلال آصف بھی ایک مرتبہ پھر عالمی ریکارڈ قائم کرنے کیلئے ’پینسل جھولا‘ تیار کر رہے ہیں۔

بلال آصف پینسلوں کو تراش کر تزئین و آرائش سے متعلق اور دیگر اشیاء بنانے کی مہارت رکھتے ہیں۔

انہوں نے 2013 میں پینسلوں سے سب سے اونچا ٹاور بنا کر امریکی آرٹسٹ کا ریکارڈ توڑا تھا۔

اور اب بلال 26 ہزار 370 سے زائد پینسلوں کو تراش کر ’پینسل جھولا‘ بنانے کی تیاری کر رہے ہیں، جس کا مقصد دوسری بار عالمی ریکارڈ قائم کرنا اور پاکستان کا نام روشن کرنا ہے۔

ابتدا میں آصف نے پینسلوں سے آرائشی اشیاء اور دیدہ زیب جیولری بنائی اور اب انہیں یقین ہے کہ پینسلوں والا جھولا ایک نیا ریکارڈ ثابت ہوگا۔

بلال آصف نے اپنے فیس بک اکاؤنٹ پر ایک ویڈیو بھی شیئر کی، جس میں وہ پینسلوں سے جھولا تیار کرتے ہوئے دکھائی دیئے، لیکن چونکہ یہ ابھی مکمل نہیں ہوا ہے اس وجہ سے اس کی بلیک اینڈ وائٹ ویڈیو جاری کی گئی ہے۔

بلال آصف نے اپنی فیس بک پوسٹ میں یہ بھی بتایا کہ وہ پینسلوں والے جھولے کو رواں برس کے آخر یعنی دسمبر میں پیش کریں گے۔

اپنی رائے کا اظہار کریں

Your email address will not be published. Required fields are marked *