صنم بلوچ نے شوہر سے علیحدگی کی تصدیق کردی

کراچی: نامور پاکستانی اداکارہ اور مارننگ شو میزبان صنم بلوچ نے اپنے شوہر عبداللہ فرحت اللہ کے ساتھ علیحدگی کی تصدیق کردی۔

گزشتہ کچھ عرصہ سے صنم بلوچ اوران کے شوہر عبداللہ فرحت اللہ کے درمیان علیحدگی کی خبریں میڈیا میں گردش کررہی تھیں لیکن صنم اور ان کے شوہر کی جانب سے ان خبروں کی نا تو تصدیق کی گئی تھی اور نا ہی تردید لیکن اب صنم نے عبداللہ سے علیحدگی کی تصدیق کردی ہے۔

حال ہی میں صنم بلوچ نے ثمینہ پیرزادہ کے شو میں شرکت کی جہاں انہوں نے اپنی شادی اور نجی زندگی کے حوالے سے کئی باتیں بتائیں، صنم نے کہا کہ شادی سے قبل وہ اور عبداللہ بہت اچھے دوست تھے اور یہی دووستی ان کی شادی کی وجہ بنی کیونکہ انہیں لگا کہ ان کی دوستی ساری زندگی ایسے ہی چلتی رہے گی لیکن بد قسمتی سے ایسا نہ ہوسکا۔ صنم بلوچ نے مزید کہا کہ عبداللہ بہت اچھے انسان ہیں لیکن ہم اب دوست نہیں ہیں۔

صنم بلوچ کے اس انٹرویو نے دونوں کے درمیان علیحدگی کی تصدیق کردی ہے اور یہ بھی واضح ہوگیا ہے کہ دونوں اب ایک دوسرے کے ساتھ نہیں رہتے۔

یاد رہے کہ کچھ عرصہ قبل صنم بلوچ نے انسٹاگرام پر اپنے نام کے ساتھ لگا اپنے شوہر کانام ہٹادیاتھا اور اس وقت سے ہی دونوں کے درمیان علیحدگی کی خبریں میڈیا میں گردش کررہی تھیں۔

اپنی رائے کا اظہار کریں

Your email address will not be published. Required fields are marked *