کپل شرما کا اپنی شادی یوٹیوب پر لائیو دکھانے کا فیصلہ

ممبئی: معروف بھارتی کامیڈین کپل شرما کی شادی کو صرف اُن کے قریبی دوست اور عزیز اقارب ہی نہیں بلکہ پوری دنیا یوٹیوب پر لائیو دیکھ سکے گی۔

بالی ووڈ میں ویرات انوشکا کی شادی ہو یا دپیکا اور رنویر کی، دونوں جوڑوں نے اپنی شادی کو راز میں رکھنے کے لیے نہ صرف ملک سے باہر شادی کی بلکہ میڈیا کو بھی دور رکھنے کی ہر ممکن کوشش کی اور شادی میں صرف مخصوص دوستوں کو اور رشتہ داروں کو مدعو کیا۔ لیکن اب اپنے مذاق اور چٹکلوں سے چہروں پر ہنسی بکھیرنے والے کپل شرما کی شادی اب دنیا بھر میں لائیو دکھائی جائے گی۔

رپورٹس کے مطابق یوٹیوب پر کپل شرما کے آفیشل چینل کی جانب سے ایک ویڈیو جاری کی گئی ہے جس میں بتایا گیا ہے کہ جنہیں کپل شرما کی شادی کا دعوت نامہ موصول نہیں ہوا وہ اب پریشان نہ ہوں کیوں کہ اب کپل کی شادی اور اس سے قبل ہونے والی تقریب کو بھی گھر بیٹھے یوٹیوب پر لائف اسٹریمنگ کے ذریعے دیکھا جاسکے گا۔

 

View this post on Instagram

 

Wedding Card Of @kapilsharma And @ginnichatrath Marriage #KapilWedsGinni On #12thDec #KapilSharma

A post shared by Kapil Sharma Universe (@kapilsharmauniverse) on

جاری کردہ ویڈیو میں بتایا گیا ہے کہ کپل کی شادی کو لائیو دیکھنے کے لیے یوٹیوب پر ’کپل شرما کے نائن‘ سرچ کرنے کے بعد چینل کو سبسکرائب کرنا ہوگا جب کہ کپل کی جانب سے جاری ہونے والی ویڈیو کا نام بھی دعوت نامے پر مبنی ہے۔

واضح رہے کہ کپل شرما نے سوشل میڈیا پر اپنی شادی کا دعوت نامہ جاری کرتے ہوئے اعلان کیا تھا کہ وہ اپنی گرل فرینڈ  گینی کے ساتھ 12 دسمبر کو جالندھر میں شادی کے بندھن میں بندھیں گے اور دونوں کے استقبالیے کی تقریب 14 دسمبر کوہوگی۔

 

اپنی رائے کا اظہار کریں

Your email address will not be published. Required fields are marked *