برازیل: اسکول میں فائرنگ سے بچوں سمیت 10 افراد ہلاک

برازیل کے شہر ساؤپاؤلو میں ایک اسکول میں فائرنگ کے نتیجے میں 2 حملہ آوروں اور 5 بچوں سمیت 10 افراد ہلاک اور کئی افراد زخمی ہوگئے ۔

خبرایجنسی اے ایف پی کی رپورٹ کے مطابق پولیس کا کہنا تھا کہ راول برازیل اسکول میں ہونے والے فائرنگ کے واقعے میں ہلاکتوں میں مزید اضافے کے خدشات ہیں۔

ساؤپاؤلو کے ریاستی محکمہ ملٹری پولیس کا کہنا تھا کہ ‘سوزانو میں ایک اسکول میں مسلح شخص داخل ہوا اور فائرنگ شروع کردی جس کے نتیجے میں کئی افراد کو گولیاں لگیں’۔

برازیل کے مقامی ٹی وی چینل ویب سائٹ کی رپورٹ کے مطابق ہلاک ہونے والوں میں ایک استاد اور 5 بچوں کے علاوہ دو نوجوان بھی شامل ہیں اور نوجوانوں کو حملہ آور تصور کیا جارہا ہے۔

اپنی رائے کا اظہار کریں

Your email address will not be published. Required fields are marked *