ماہرہ خان سال کی چوتھی اور دہائی کی تیسری پرکشش خاتون قرار
ویسے تو دنیا کے سب سے بڑے براعظم ایشیا میں خوبصورت، پرکشش اور جاذب نظر خواتین کی کمی نہیں ہے۔
البتہ برطانوی جریدے کی جانب سے تیار کی گئی ایک فہرست میں ایشیا کی 50 پرکشش خواتین میں چند پاکستانی خواتین کو بھی شامل کیا گیا ہے جس میں سپراسٹار ماہرہ خان کا نام سب سے آگے رہا۔
’ایسٹرن آئی‘ نامی شوبز میگزین کی جانب سے رواں سال کی ایشیا کی 50 پرکشش خواتین کی فہرست جاری کی گئی جبکہ اس دہائی کی 50 پرکشش خواتین کی فہرست بھی سامنے آئی ہے۔
فہرست مرتب کرنے والے ایڈیٹر اسجد نظیر نے اپنی ٹوئٹ میں ایشیا کی 5 پرکشش خواتین کے نام دیے، جن میں پاکستانی اداکارہ ماہرہ خان چوتھے نمبر پر ہیں۔
انہوں نے اس دہائی کی 5 پرکشش خواتین کے نام بھی بتائے اور اس فہرست میں ماہرہ تیسری پوزیشن لینے میں کامیاب ہوئی۔
ایشیا کی پرکشش خواتین کا انتخاب، عوام کے ووٹوں، ان کی کارکردگی اور میڈیا کوریج سمیت دیگر چیزوں کی بنیاد پر کیا گیا۔
سال کی 10 پرکشش خواتین
10- پریانکا چوپڑا
9- مہوش حیات
8- نیا شرما
7- شیوانگی جوشی
6- کترینہ کیف
5- سربھی چاندنا
4- ماہرہ خان
3- حنا خان
2- دپیکا پڈوکون
1- عالیہ بھٹ
دہائی کی 10 پرکشش خواتین
10- سونم کپور
9- نیا شرما
8- انوشکا شیٹھی
7- عالیہ بھٹ
6- فریڈا پنٹو
5- درشتی دھامی
4- کترینہ کیف
3- ماہرہ خان
2- پریانکا چوپڑا
1- دپیکا پڈوکون
