Site icon DUNYA PAKISTAN

راحت فتح علی خان کا ‘غم عاشقی تیرا شکریہ’ مقبول

Share

ایوارڈ یافتہ معروف گلوکار و موسیقار استاد راحت فتح علی خان نے بڑی عید پر مداحوں کو تحفہ دیتے ہوئے نیا گانا ‘غم عاشقی تیرا شکریہ’ ریلیز کردیا۔

راحت فتح علی خان کی جانب سے رومانوی گیت کو ریلیز کرنے سے قبل گزشتہ ماہ جون میں دعائیہ کلام ’اے خدا ہمیں بخش دے‘ بھی ریلیز کیا گیا تھا۔

استاد راحت فتح علی خان نے ’اے خدا ہمیں بخش دے‘ 13 جون کو ریلیز کیا تھا، جسے کورونا کی وبا کے باعث بے حد مقبولیت حاصل ہوئی تھی۔

’اے خدا ہمیں بخش دے‘ دعائیہ کلام کو کورونا کی وبا کی وجہ سے ہی ریلیز کیا گیا تھا اور گزشتہ ماہ سے ہی خبریں تھیں کہ راحت فتح علی خان ایک رومانوی گانا بھی جلد ریلیز کریں گے۔

دو دن قبل ہی راحت فتح علی خان نے ‘غم عاشقی تیرا شکریہ’ کا ٹیزر جاری کیا تھا، جس سے شائقین نے خوب سراہا تھا اور 30 جولائی کو گلوکار نے ٹوئٹر پر نئے گانے کی ویڈیو بھی جاری کردی۔

‘غم عاشقی تیرا شکریہ’ کی شاعری معروف رومانوی شاعرہ پروین شاکر کی ہے، تاہم گانے کو مزید اچھا بنانے کے لیے اس میں دوسرے بول بھی شامل کیے گئے ہیں۔

‘غم عاشقی تیرا شکریہ’ کی موسیقی کامران اختر نے ترتیب دی ہے جب کہ مذکورہ گانے کو سلمان احمد نے پروڈیوس کیا ہے، جو اس سے قبل بھی گلوکار کے متعدد مقبول گانے پروڈیوس کر چکے ہیں۔

گانے کو یوٹیوب سمیت دیگر میوزک چینلز پر ریلیز کیا گیا ہے اور گانے جاری ہوتے ہی مقبول ہوگیا اور شائقین نے ‘غم عاشقی تیرا شکریہ’ کو گلوکار کی جانب سے مداحوں کے لیے عید کا خوبصورت تحفہ قرار دیا۔

Exit mobile version