اب اینڈرائیڈ ایپلی کیشنز بھی بغیر انسٹال ہوئے کام کریں گی

mobile-apps

کیلیفورنیا: ایپلی کیشن کو انسٹال کیے بغیر استعمال کرنے کے لیے گوگل ایک نئی تکنیک انسٹینٹ ایپس پر کام کررہا ہے۔گوگل اپنے آپریٹنگ سسٹم اینڈروئیڈ کے لیے ایک بہت بڑی سہولت لانے کو تیار ہے۔ اینڈروئیڈ پر صارفین کو اکثر ایپلی کیشنزعارضی طور پر انسٹال کرنے کی ضرورت پڑتی ہے۔ مثلاً جب کسی آن لائن اسٹور پر انہیں کوئی چیز پسند آ جائے اور وہ اسے خریدنا چاہیں تو اس کے لیے اسٹور کی ایپلی کیشن انسٹال کرنا پڑتی ہے۔ اس طرح کوئی کھانا منگوانے کے لیے بھی اُن کی ایپلی کیشن انسٹال کرنا پڑ جاتی ہے اور پھر کئی غیر ضروری ایپلی کیشنز انسٹال ہونے کے بعد فون پر بوجھ بڑھ جاتا ہے۔اس مسئلے کو حل کرنے کے لیے گوگل پیش کرنے جا رہا ہے “انسٹینٹ ایپس” ۔ اس تکنیک کے تحت ڈیویلپرز اپنی ایپلی کیشن کا ایک الگ ورژن تیارکریں گے جس کے ذریعے وہ بغیر ڈاؤن لوڈ اور انسٹال کیے کام کرسکے گی جیسے کسی ویب سروس کو استعمال کرنے کے لیے آپ کو صرف ویب سائٹ پرجانا ہوتا ہے، اُسے ڈاؤن لوڈ نہیں کرنا پڑتا۔ اسی طرح اینڈروئیڈ ایپلی کیشنز بھی بغیر انسٹال ہوئے کام کریں گی۔بے شمار ایپلی کیشنز کی غیر ضروری انسٹالیشن کی وجہ سے اینڈروئیڈ پر جمع ہو جانے والے ڈیجیٹل کچرے سے اس فیچر کے ذریعے نجات مل جائے گی اور فون کی کارکردگی بہترین رہے گی:۔

اپنی رائے کا اظہار کریں

Your email address will not be published. Required fields are marked *