اوپو رینو 3 سیریز کے 2 فونز پیش کردیئے گئے

اوپو نے اپنی فلیگ شپ رینو سیریز کے 2 نئے فونز متعارف کرادیئے ہیں۔

اوپو رینو 3 اور رینو 3 پرو فونز کو چین میں ایک ایونٹ کے دوران متعارف کرایا گیا اور ان میں ڈوئل موڈ فائیو جی سپورٹ بھی دی گئی ہے۔

یہ کمپنی رواں سال ہی رینو اور رینو 2 سیریز کے فونز بھی پیش کرچکی ہے اور اب اس کا تیسرا ورژن پیش کیا گیا ہے۔

فیچرز کے لحاظ سے یہ فونز مڈرینج سمجھے جاسکتے ہیں اور رینو 2 سیریز سے فیچرز کے لحاظ سے کچھ بہتر ہیں۔

اوپو رینو 3

اس فون میں 6.4 انچ ایچ ڈی پلس او ایل ای ڈی ڈسپلے ڈیو ڈراپ نوچ کے ساتھ دیا گیا ہے۔

فون میں میڈیا ٹیک ڈیمینسٹی 1000 ایل فائیو جی پراسیسر دیا گیا ہے جبکہ 8 سے 12 جی بی ریم اور 128 جی بی اسٹوریج دی گئی ہے جبکہ گیمنگ کے لیے گیم بوسٹ 2.0 سپورٹ بھی موجود ہے۔

اس فون میں 4025 ایم اے ایچ بیٹری 30 واٹ سپر وی او او سی 4.0 فلیش چارج سپورٹ کے ساتھ دی گئی ہے اور یہ کمپنی کا دعویٰ ہے کہ بیٹری صفر سے 50 فیصد تک 20 منٹ میں چاری ہوسکتی ہے اور مکمل چارج ہونے کے لیے 56 منٹ درکار ہوتے ہیں۔

فوٹو بشکریہ اوپو

فون میں بیک پر 4 کیمروں کا سیٹ اپ 64 میگا پکسل مین کیمرا، 8 میگا پکسل الٹرا وائیڈ کیمرا، 2 میگا پکسل میکرو کیمرا اور 2 میگا پکسل ڈیپتھ سنسر پر مشتمل ہے۔

فرنٹ پر 32 میگا پکسل سیلفی کیمرا موجود ہے جبکہ اینڈرائیڈ 10 آپریٹنگ سسٹم کا امتزاج کمپنی نے اپنے کلر او ایس 7 سے کیا ہے۔

اوپو رینو 3 پرو

اس فون میں 6.5 انچ فل ایچ ڈی پلس امولیڈ ڈسپلے 90 ہرٹز اسکرین ریفریش ریٹ دیا گیا ہے جس کے تحفظ کے لیے گوریلا گلاس فائیو موجود ہے۔

اوپو رینو 3 پرو میں کوالکوم اسنیپ ڈراگون 765G پراسیسر دیا گیا ہے جس میں فائیو جی موڈیم بلٹ ان ہے، جبکہ 8 سے 12 جی بی ریم اور 128 جی بی سے 256 جی بی اسٹوریج کے آپشن دیئے گئے ہیں۔

اس فون میں 4025 ایم اے ایچ بیٹری 30 واٹ سپر وی او او سی 4.0 فلیش چارج سپورٹ کے ساتھ دی گئی ہے اور یہ کمپنی کا دعویٰ ہے کہ بیٹری صفر سے 50 فیصد تک 20 منٹ میں چاری ہوسکتی ہے اور مکمل چارج ہونے کے لیے 56 منٹ درکار ہوتے ہیں۔

فوٹو بشکریہ اوپو

اس فون میں بھی رینو 3 کی طرح 4025 ایم اے ایچ بیٹری 30 واٹ سپر وی او او سی 4.0 فلیش چارج سپورٹ کے ساتھ دی گئی ہے اور یہ کمپنی کا دعویٰ ہے کہ بیٹری صفر سے 50 فیصد تک 20 منٹ میں چاری ہوسکتی ہے اور مکمل چارج ہونے کے لیے 56 منٹ درکار ہوتے ہیں۔

اس فون میں بھی بیک پر 4 کیمروں کا سیٹ اپ دیا گیا ہے، ان میں 48 میگا پکسل مین کیمرا، 13 میگا پکسل ٹیلی فوٹو لینس 5 ایکس آپٹیکل زوم کے ساتھ، 8 میگا پکسل الٹرا وائیڈ کیمرا جو میکرو لینس کے طور پر بھی کام کرتا ہے اور 2 میگا پکسل مونوکروم کیمرا شامل ہیں جبکہ فرنٹ پر 32 میگا پکسل کیمرا پنچ ہول ڈیزائن میں دیا گیا ہے۔

اینڈرائیڈ 10 آپریٹنگ سسٹم کا امتزاج کمپنی نے اپنے کلر او ایس 7 سے کیا ہے۔

اوپو رینو 3 کے 8 جی بی ریم اور 128 جی بی اسٹوریج والے ماڈل کی قیمت 3399 یوآن (75 ہزار پاکستانی روپے سے زائد) جبکہ 12 جی بی ریم اور 128 جی بی اسٹوریج والا ماڈل 3699 یوآن (81 ہزار پاکستانی روپے سے زائد) رکھی گئی ہے۔

اس کے مقابلے میں اوپو رینو 3 پرو کا 8 جی بی ریم اور 128 جی بی اسٹوریج والا فون 3999 یوآن (88 ہزار پاکستانی روپے سے زائد) اور 12 جی بی ریم اور 256 جی بی اسٹوریج والا ورژن 4499 یوآن (99 ہزار پاکستانی روپے سے زائد) میں فروخت کیا جائے گا۔

اپنی رائے کا اظہار کریں

Your email address will not be published. Required fields are marked *