'بدنامیاں' میں بولڈ لباس پہننے پر تنقید کرنے والوں کو علیزے شاہ کا جواب

پاکستانی ڈراموں کی ابھرتی ہوئی اداکارہ و ماڈل علیزے شاہ کا ڈیبیو گانا 'بدنامیاں' 15 مئی کو ریلیز کیا گیا تھا۔

تاہم ٹوئٹر صارفین کی جانب سے گانے کی ویڈیو میں بولڈ اور مغربی لباس پر علیزے شاہ کو تنقید کا نشانہ بنایا گیا۔

علیزے شاہ کے پہلے گانے کو ریلیز کے چند گھنٹوں بعد ہی 10 لاکھ سے زائد مرتبہ دیکھا جاچکا تھا۔

مگر صارفین کی جانب سے موضوع گفتگو علیزے شاہ کے گانے کے بول یا آواز نہیں بلکہ ان کا لباس بنا یہاں تک کہ اسی گانے کی وجہ سے ان کے نام کا ہیش ٹیگ ٹوئٹر پر ٹاپ ٹرینڈ بھی رہا۔

عادل رشید نے لکھا کہ ہماری ترجیحات یہ ہیں کہ لباس کی وجہ سے علیزے شاہ کا نام ٹوئٹر پر ٹاپ ٹرینڈ ہے۔

انزا نامی صارف نے لکھا کہ جب ساری دنیا اسرائیل کی پرتشدد کارروائیوں کی مذمت کررہی ہے تو پاکستانی علیزے شاہ کے لباس پر تنقید کررہے ہیں۔

پیٹریوٹ نامی ٹوئٹر ہینڈل نے لکھا کہ بیمار ذہنیت کی قوم اس چیز پر تبصرہ کررہی ہے کہ دوسرے لوگ کیا پہنتے ہیں۔

سوشل میڈیا پر مختلف تبصروں کے بعد علیزے شاہ نے اپنے شدہ انسٹاگرام اکاؤنٹ پر ناقدین کے نام خصوصی پیغام جاری کیا۔

—اسکرین شاٹ
—اسکرین شاٹ

علیزے شاہ نے کہا کہ 'میں نے وہ تمام میمز اور تنقید بھری پوسٹس دیکھی ہیں جو ناقدین کی جانب سے میرے لیے تیار کی گئی ہیں'۔

انہوں نے لکھ کہ 'حقیقت یہ ہے کہ فلسطین کی آواز بننے کی بجائے ہمارے ملک میں اس وقت ایک معمولی موضوع زیادہ ٹرینڈنگ مسئلہ ہے۔

علیزے شاہ نے سوالیہ انداز میں کہا کہ 'آخر ہمارے لوگوں کے ساتھ مسئلہ کیا ہے'۔

خیال رہے کہ گلوکاری سے قبل علیزے شاہ مختلف ڈراموں میں اداکاری کے جوہر دکھا چکی ہیں۔

علیزے شاہ نے ڈراما 'عشق تماشا' میں پلوشہ کا کردار ادا کیا تھا جسے بہت زیادہ پسند کیا گیا تھا۔

علاوہ ازیں انہوں نے 'عہدِ وفا' اور 'میرا دل میرا دشمن' جیسے مقبول ڈراموں میں بھی اداکاری جبکہ حال ہی میں وہ رمضان میں نشر ہونے والے ڈرامے 'تانا بانا' میں بھی مرکزی کردار میں نظر آئیں۔

اپنی رائے کا اظہار کریں

Your email address will not be published. Required fields are marked *