عروج آفتاب کی ’گریمی ایوارڈز‘ نامزدگیوں پر شوبز شخصیات خوش

موسیقی کے لیے دیے جانے والے دنیا کے اعلیٰ ترین ’گریمی ایوارڈز‘ کے لیے پہلی بار 36 سالہ پاکستانی نژاد امریکی گلوکارہ عروج آفتاب کو دو کیٹیگریز میں نامزد کیے جانے پر پاکستانی شوبز و سماجی شخصیات نے خوشی کا اظہار کرتے ہوئے انہیں مبارک باد پیش کی ہے۔

عروج آفتاب کو 64 ویں سالانہ ایوارڈز کے لیے دو ’بیسٹ گلوبل میوزک پرفارمنس‘ اور ’بیسٹ نیو آرٹسٹ‘ کیٹیگریز کے لیے نامزد کیا گیا ہے۔

’گریمی ایوارڈز‘ میوزک کے لیے سب سے معتبر ایوارڈ کا درجہ رکھتا ہے، جس کی تقریب ہر سال کے آغاز میں ہوتی ہے۔

سال 2022 میں ’گریمی‘ کی 64 ویں سالانہ تقریب ہوگی، جس کے لیے نامزدگیوں کا اعلان 23 نومبر کو کیا گیا۔

رواں سال ایوارڈز کے لیے 86 کیٹیگریز میں نامزدگیوں کا اعلان کیا گیا، جس میں پہلی بار کسی پاکستانی گلوکارہ کو نامزد کیا گیا اور ان کا مقابلہ عالمی سطح کے گلوکاروں سے ہوگا۔

عروج آفتاب کی نامزدگیوں پر متعدد شوبز،، سیاسی و سماجی شخصیات نے خوشی کا اظہار کرتے ہوئے انہیں مبارک باد پیش کی جب کہ خود بھی گلوکارہ نے نامزدگیوں پر حیرانگی و خوشی کا اظہار کیا۔

عروج آفتاب نے نامزد ہونے کے بعد انسٹاگرام پوسٹ میں خوشی کا اظہار کرتے ہوئے موسیقی کو ترتیب دینے میں ساتھ دینے والے تمام افراد کا شکریہ ادا کیا اور موسیقی سے جذباتی لگائو پر بھی بات کی۔

انہوں نے اپنی مختصر ٹوئٹ میں نامزدگیوں پر حیرانگی کے ساتھ خوشی کا اظہار بھی کیا۔

گلوکار و اداکار علی ظفر نے عروج آفتاب کی گریمی نامزدگیوں کو پورے ملک کے لیے باعث فخر قرار دیتے ہوئے انہیں ذہین گلوکارہ لکھا۔

Feel proud Pakistan. #AroojAftab a brilliant Pakistani singer/musician has been nominated for the #GRAMMYs

— Ali Zafar (@AliZafarsays) November 25, 2021

گلوکار و موسیقار روحیل حیات نے بھی پاکستانی گلوکارہ کی نامزدگیوں پر خوشی کا اظہار کرتے ہوئے انہیں مبارک باد پیش کی۔

Shock awe and happiness

— arooj aftab (@arooj_aftab) November 24, 2021

گلوکارہ حدیقہ کیانی نے عروج آفتاب کے گانے کی ویڈیو کو ٹوئٹ کرتے ہوئے ان کی نامزدگیوں کو پوری قوم کے لیے باعث فخر قرار دیا اور لکھا کہ انہوں نے تاریخ رقم کردی۔

Yes!!! Our very own @arooj_aftab has made music history by being nominated by the @RecordingAcad for Best New Artist! This is a very proud moment for our nation.

To celebrate, listen to Arooj’s tracks on her YouTube page right here https://t.co/dfPOalSOr2

— Hadiqa Kiani (@Hadiqa_Kiani) November 23, 2021

وزیر اطلاعات فواد چوہدری نے بھی عروج آفتاب کی نامزدگیوں پر خوشی کا اظہار کرتے ہوئے ان کی تصویر ٹوئٹ کرتے ہوئے ان کے ایوارڈ جیتنے کی دعائیں بھی کیں۔

فواد چوہدری نے مزید لکھا کہ نامزد ہونا ہی بہت بڑی کامیابی ہے، پورا پاکستان عروج آفتاب کی نامزدگیوں پر خوش ہے۔

So proud of you ⁦@arooj_aftab⁩ nomination for Grammy Awards is in itself a great achievement looking forward for the award ….. may your voice get to the ears and hearts of Millions….. Pakistan is very happy for you pic.twitter.com/4mCXSvQr30

— Ch Fawad Hussain (@fawadchaudhry) November 24, 2021

اداکار عثمان خالد بٹ نے بھی گلوکارہ کی نامزدگیوں پر خوشی کا اظہار کرتے ہوئے انہیں مبارک باد پیش کی۔

https://twitter.com/aClockworkObi/status/1463222876899880965?ref_src=twsrc%5Etfw%7Ctwcamp%5Etweetembed%7Ctwterm%5E1463222876899880965%7Ctwgr%5E%7Ctwcon%5Es1_&ref_url=https%3A%2F%2Fwww.dawnnews.tv%2Fnews%2F1173127