Site icon Dunya Pakistan

غزل

یوں بھی اچھا لگا ہے کلکتہ
ہند کا قاہرہ ہے کلکتہ

دور بیٹھی ہوں مصر میں لیکن
دل مرا دیکھتا ہے کلکتہ

بڑھ کے لفظوں نے خود قلم چوما
میں نے جب جب لکھا ہے کلکتہ

جیسے ہوتی ہے پھول میں خوشبو
دل میں ایسے بسا ہے کلکتہ

شہر ہے یہ ادب نوازوں کا
سب کا دل کھینچتا ہے کلکتہ

مرزا غالب کو پڑھ کے دیکھو تو
شاعری بن گیا ہے کلکتہ

یاد رکھا ولا کو لوگوں نے
کس قدر با وفا ہے کلکتہ

Exit mobile version