یوم پاکستان پر پاک فوج کا گانا ’ایک قوم، ایک منزل‘ ریلیز

پاک فوج کے شعبہ تعلقات عامہ (آئی ایس پی آر) کی جانب سے ہر سال کی طرح اس سال بھی ’یوم پاکستان‘ کے حوالے سے خصوصی گانا ریلیز کردیا گیا۔

آئی ایس پی آر کی جانب سے گلوکار علی ظفر اور آئما بیگ کی آواز میں جاری کیے گئے ’ایک قوم، ایک منزل‘ کو کافی سراہا جا رہا ہے۔

’ایک قوم، ایک منزل‘ کو 13 مارچ کو ریلیز کیا گیا، تاہم گانے کا ٹیزر اور پرومو ایک ہفتہ قبل ہی جاری کیے گئے تھے۔

’ایک قوم، ایک منزل‘ کا آغاز بانی پاکستان قائد اعظم محمد علی جناح کی قیام پاکستان سے متعلق تقریر سے ہوتا ہے جب کہ گانے میں چاروں صوبوں، گلگت بلتستان اور آزاد کشمیر کے افراد کو بھی دکھایا گیا ہے۔

گانے میں علی ظفر اور آئما بیگ کو ملک کے مختلف شہروں میں لوگوں کے درمیان پرفارمنس کرتے ہوئے بھی دکھایا گیا ہے۔

’ایک قوم، ایک منزل‘ کو ریلیز کرنے کے بعد کئی لوگوں نے اس کی تعریف کی اور گانے کو جذبہ حب الوطنی سے سرشار قرار دیا۔

’ایک قوم، ایک منزل‘ سے قبل بھی آئی ایس پی آر کی جانب سے یوم پاکستان سمیت جشن آزادی، یوم دفاع اور یوم کشمیر کے موقع پر بھی خصوصی گانے جاری کئے جاتے رہے ہیں۔

آئی ایس پی آر نے گزشتہ ماہ 5 جنوری کو بھی یوم کشمیر کے موقع پر گلوکار شہزاد رائے کی آواز میں کشمیریوں سے اظہار یکجہتی کے لیے ’کشمیر کو حق دو بھارت‘ جاری کیا تھا۔

https://youtube.com/watch?v=Z2RoyyZr44I%3Fenablejsapi%3D1%26showinfo%3D0%26rel%3D0

اسی طرح ستمبر 2020 میں یوم دفاع اور یوم شہدا کے موقع پر بھی آئی ایس پی آر نے گلوکار عاصم اظہر سمیت دیگر گلوکاروں کا گانا ’ہر گھڑی تیار کامران‘ جاری کیا تھا اور اسے بھی شائقین نے بہت سراہا تھا۔

https://youtube.com/watch?v=z7U8C0_MYUY%3Fenablejsapi%3D1%26showinfo%3D0%26rel%3D0

آئی ایس پی آر نے 5 اگست 2020 کو بھی کشمیریوں سے اظہار یکجہتی کے لیے خصوصی ویڈیو و نظم ریلیز کی تھی، کشمیر میں 5 اگست 2019 کو بھارتی حکومت نے آرٹیکل 370 کا خاتمہ کیا تھا، جس وجہ سے اس کی خصوصی حیثیت ختم ہوگئی تھی۔

https://youtube.com/watch?v=5WdVu1gyito%3Fenablejsapi%3D1%26showinfo%3D0%26rel%3D0

پاک فوج نے کورونا کے وبا کے دوران فرنٹ لائن پر خدمات سر انجام دینے والے صحت کے رضاکاروں اور قوم کے حوصلے بلند رکھنے کے لیے بھی خصوصی گانے اور ویڈیوز جاری کی تھیں۔

https://youtube.com/watch?v=7Ijb_Ybqklk%3Fenablejsapi%3D1%26showinfo%3D0%26rel%3D0

اپنی رائے کا اظہار کریں

Your email address will not be published. Required fields are marked *

error: