پاکستان نے نیدر لینڈز کو شکست دے کر ٹی 20 ورلڈ کپ میں پہلی فتح حاصل کرلی
آئی سی سی ٹی 20 ورلڈ کپ کے سپر 12 مرحلے کے انتہائی اہم میچ میں پاکستان نے نیدرلینڈز کو 6 وکٹوں سے شکست دے کر میگا ایونٹ میں پہلی فتح حاصل کرلی۔
Pakistan coast to victory against Netherlands to pick up their first points of the tournament ✅#NEDvPAK #T20WorldCup
— ESPNcricinfo (@ESPNcricinfo) October 30, 2022
نیدر لینڈز نے پہلے بیٹنگ کرتے ہوئے پاکستان کو جیت کے لیے 92 رنز کا ہدف دیا، پاکستان نے 14ویں اوور کی پانچویں گیند پر 4 وکٹوں کے نقصان پر 37 گیندیں قبل ہی ہدف حاصل کرلیا۔
پاکستان کی جانب سے وکٹ کیپر بلے باز محمد رضوان 49 بنا کر نمایاں رہے، اس دوران انہوں نے ٹی 20 انٹرنیشنل کی اپنی 65ویں اننگز میں 2500 رنز بھی مکمل کیے۔
Mohammad Rizwan completes 2️⃣5️⃣0️⃣0️⃣ runs in T20Is in his 65th innings ✅#WeHaveWeWill | #T20WorldCup | #NEDvPAK pic.twitter.com/ilHmZCxUDs
— Pakistan Cricket (@TheRealPCB) October 30, 2022
نیدرلینڈز کی قیادت اسکاٹ ایڈورڈز کر رہے تھے، دیگر کھلاڑیوں میں میکس او ڈوڈ، اسٹیفن مائبرگ، باس ڈی لیڈے، ٹام کوپر، کولن ایکرمین، رولوف وین ڈیر مروے، ٹم پرنگل، فریڈ کلاسن، پال وین میکرین اور برینڈن گلوور شامل تھے۔
Fakhar Zaman is back from injury for Pakistan!
— ESPNcricinfo (@ESPNcricinfo) October 30, 2022
Netherlands bring in Stephan Myburgh, Roelof van der Merwe and Brandon Glover.
Which side will get their first win of the Super 12s?https://t.co/vXnnxDoOiO | #T20WorldCup pic.twitter.com/FQutp0Kjkd
واضح رہے کہ آج ٹی 20 ورلڈ کپ میں سپر 12 مرحلے میں 3 میچز شیڈول ہیں جہاں دوسرے میچ میں پاکستان اور نیدرلینڈ مد مقابل تھے، جب کہ تیسرے میچ بھارت اور جنوبی افریقہ آمنے سامنے ہوں گے۔
اس سے قبل کھیلے گئے میچ میں بنگلہ دیش نے سنسنی خیز میچ کے بعد زمبابوے کو 3 رنز سے شکست دی تھی۔
پاکستان کو سیمی فائنل کے لیے کوالیفائی کرنے کے لیے نیدرلینڈز کو شکست دینا لازمی تھا، دو روز قبل کھیلے گئے میچ میں زمبابوے نے سنسنی خیز مقابلے کے بعد پاکستان کو ایک رن سے شکست دی تھی، ٹی20 ورلڈ کپ میں پاکستان کی یہ مسلسل دوسری شکست تھی اور وہ تاحال کوئی پوائنٹ حاصل کرنے میں ناکام رہا ہے، تاہم پوائنٹس ٹیبل پر بہتر رن ریٹ کی بدولت نیدرلینڈز سے ایک نمبر آگے ہے۔
یاد رہے کہ ٹی 20 ورلڈکپ کے پہلے میچ میں پاکستان کو بھارت نے انتہائی سنسی خیز مقابلے کے بعد آخری گیند پر 4 وکٹوں سے شکست دی تھی۔
