دنیا کے متعدد ممالک میں انسٹاگرام سروس متاثر
دنیا کے متعدد ممالک میں سوشل شیئرنگ ایپلی کیشن انسٹاگرام کی سروس متاثر ہونے سے کروڑوں لوگ اپنے اکاؤنٹس تک رسائی سے قاصر رہے۔
انسٹاگرام نے اپنی ٹوئٹ میں تصدیق کی کہ وہ ایپلی کیشن کی سروس متاثر ہونے سے باخبر ہیں۔
انتظامیہ نے 31 اکتوبر کو تصدیق کی کہ ایپلی کیشن کی سروس متاثر ہوئی ہے، جس کے لیے وہ صارفین سے معذرت خواہ ہیں۔
انسٹاگرام نے بتایا کہ ان کے ماہرین ایپلی کیشن کی سروس میں خرابی کو دور کرنے میں مصروف ہیں۔
We're aware that some of you are having issues accessing your Instagram account. We're looking into it and apologize for the inconvenience. #instagramdown
— Instagram Comms (@InstagramComms) October 31, 2022
اسی حوالے سے ’دی ورج‘ نے بتایا کہ 31 اکتوبر کی صبح کو امریکا سمیت دیگر ممالک کے لوگوں نے انسٹاگرام اکاؤنٹس تک رسائی نہ ہونے کی شکایات کیں۔
ایپلی کیشن کی سروس متاثر ہونے سے لوگوں کو پیغام موصول ہونے لگا کہ ان کے اکاؤنٹ کا معطل کردیا گیا۔
علاوہ ازیں لوگوں نے شکایات کیں کہ جہاں انہیں کافی دیر بعد اپنے اکاؤنٹ تک رسائی ہوئی، وہیں ان کے فالوورز کم ہوگئے۔
’دی ورج‘ کے مطابق انسٹاگرام پر سب سے زیادہ فالو کی جانے والی شخصیات میں سے ایک فٹ بالر کرسٹیانو رونالڈو کے بھی 30 لاکھ فالوورز کم ہوگئے۔
User reports indicate Instagram is having problems since 9:04 AM EDT. https://t.co/lXKoHvktSg RT if you're also having problems #Instagramdown
— Downdetector (@downdetector) October 31, 2022
اسی حوالے سے ویب سائٹ سی این اے نے بتایا کہ انسٹاگرام کی سروس معطل ہونے سے بے شمار لوگوں کو یہ پیغام موصول ہوا کہ ان کا کاؤنٹ ڈیلیٹ کردیا گیا ہے یا پھر اسے مختلف وجوہات کے باعث معطل کردیا گیا۔
برطانوی اخبار ’ڈیلی میل‘ نے بھی اپنی رپورٹ میں بتایا کہ امریکا کے علاوہ برطانیہ اور یورپ کے متعدد ممالک میں بھی انسٹاگرام کی سروس معطل ہوئی۔
انسٹاگرام کی جانب سے سروس کے متاثر ہونے سے متعلق کی گئی ٹوئٹ کے نیچے درجنوں لوگوں نے شکایات کی کہ انہیں اپنے اکاؤنٹس تک رسائی کرنے میں مشکلات درپیش ہیں، جب وہ اکاؤنٹ سائن ان کر رہے ہیں تو انہیں بتایا جا رہا ہے کہ آپ کے اکاؤنٹ پر کچھ دیر قبل پاس ورڈ تبدیل کردیا گیا۔
We're aware that some of you are having issues accessing your Instagram account. We're looking into it and apologize for the inconvenience. #instagramdown
— Instagram Comms (@InstagramComms) October 31, 2022
بعض لوگوں نے اپنے موبائل او ای میل ایڈریس بھی تبدیل ہوجانے کی شکایات کیں۔
انسٹاگرام سے کچھ دن قبل واٹس ایپ کی سروس بھی دنیا بھر میں متاثر ہوئی تھی جب کہ اس سے قبل فیس بک سمیت انسٹاگرام کی سروس بھی متاثر ہوتی رہی ہیں۔
We're aware that some of you are having issues accessing your Instagram account. We're looking into it and apologize for the inconvenience. #instagramdown
— Instagram Comms (@InstagramComms) October 31, 2022
