قومی ٹیم کے سابق کپتان سرفراز احمد ٹیم میں ہوں یا نہیں لیکن وہ پاکستانی عوام کے ساتھ ساتھ قومی ٹیم کے کھلاڑیوں کے دلوں میں بھی جگہ بنائے ہوئے ہیں اور قومی ٹیم کے کھلاڑی ان کا دل سے احترام کرتے ہیں۔
بالخصوص قومی ٹیم کے موجودہ کھلاڑیوں کے لیے سرفراز ایک خاص مقام رکھتے ہیں کیونکہ اکثریت نے ان کی زیر قیادت اپنا ڈیبیو کیا اور انہی کھلاڑیوں میں سے ایک شاداب خان بھی ہیں جو میدان کے ساتھ ساتھ سوشل میڈیا بھی متحرک نظر آتے ہیں۔
سماجی رابطوں کی ویب سوشل میڈیا پر شاداب خان اور سرفراز احمد کی دلچسپ گفتگو کے ساتھ ساتھ سابق کپتان کے بیٹے کی ویڈیو کے بھی خوب چرچے ہو رہے ہیں۔
سرفراز نے اپنے بیٹے ایک ویڈیو سوشل میڈیا پر شیئر کرتے ہوئے اس میں شاداب خان کو ٹیگ کرتے ہوئے کہا کہ ویڈیو چیک کرو، اس ویڈیو میں ان کے بیٹے عبداللہ کو شاداب کی طرح لیگ اسپن گیند بازی کرتے دیکھا جا سکتا ہے۔
@76Shadabkhan check karo https://t.co/6qfDaVKhga
— Sarfaraz Ahmed (@SarfarazA_54) November 17, 2022
شاداب نے اس پر جواب دیا کہ عبداللہ نے پہلے سیفی بھائی کے دل میں میری جگہ لے لی، اب پاکستان ٹیم میں میری جگہ نہ لے جائے۔
Abdullah ne pehle saifi bhai ke dil mai meri jaga le li ab Pakistan team mai meri jaga na le jaye @SarfarazA_54 https://t.co/mRFhsnT5aC
— Shadab Khan (@76Shadabkhan) November 17, 2022
عبداللہ سرفراز نے ویڈیو میں کہا کہ انہیں قائد اعظم ٹرافی میں والد کی 102 رنز کی اچھی تو لگی لیکن وہ ان کی طرح وکٹ کیپر نہیں بننا چاہتے۔
ننھے کرکٹر نے کراچی کے نیشنل اسٹیڈیم میں گفتگو کے دوران کہا کہ وہ آل راؤنڈر بن کر محمد عامر کی طرح باؤلنگ اور بابر اعظم کی طرح بیٹنگ کرنا چاہتے ہیں۔