45 بھارتی ماہی گیر پاکستانی سمندری حدود کی خلاف ورزی کرتے پکڑے گئے

65

کراچی: پاکستان میری ٹائم سیکورٹی ایجنسی نے پاکستانی سمندری حدود کی خلاف ورزی پر 45 بھارتی ماہی گیروں کو گرفتار اور متعدد لانچوں کو اپنی تحویل میں لے لیا۔ذرائع کے مطابق بھارتی آبدوز کی پاکستان حدود میں دراندازی کی کوشش کے بعد پاکستان نے سمندری حدود کی کڑی نگرانی شروع کردی ہے جس کے باعث پاکستان میری ٹائم سیکورٹی ایجنسی نے مشرقی سمندری سرحد میں کارروائی کرتے ہوئے متعدد لانچوں پر سوار 45 بھارتی ماہی گیروں کو گرفتار کرلیا ہے۔ ذرائع کے مطابق گرفتار ماہی گیروں کی لانچوں کو تحویل میں لے لیا گیا ہے جب کہ گرفتار ماہی گیروں کو کراچی منتقل کرنے کے انتظامات مکمل کرلیے گئے ہیں جہاں ان سے حساس ادارے تفتیش کریں گے۔ واضح رہے کہ گزشتہ روز بھارتی آبدوز نے خفیہ طریقے سے پاکستانی سمندری حدود میں داخل ہونے کی کوشش جسے پاک بحریہ نے بروقت کارروائی کرتے ہوئے ناکام بنایا اور بھارتی آبدوز کو پاکستان میں داخل ہونے سے روکتے ہوئے پیچھے دھکیل دیا:۔

اپنی رائے کا اظہار کریں

Your email address will not be published. Required fields are marked *