پاک فوج کے امدادی دستے تھرپارکر روانہ

pak armyآرمی چیف جنرل راحیل شریف کی ہدایت پرقحط زدہ علاقوں میں امدادی کارروائیوں کے لیے پاک فوج کے چار دستے تھرپارکر روانہ کر دیئے گئے، نقل مکانی اور راشن کی تقسیم کے لیے دو ہیلی کاپٹر بھی مختص کر دیئے گئے ہیں۔
ڈی جی آئی ایس پی آر میجر جنرل عاصم باجوہ کے مطابق کراچی سے 4 کمپنیاں چھاچھرو، ڈلی اور مٹھی اضلاع بھجوائی گئی ہیں ۔ چھاچھرو ، ڈپلو، ڈھونیا اور کھنسر میں راشن تقسیم کرنے کے پوائنٹ بھی قائم کر دیئے گئے ہیں ، چاروں ڈسٹری بیوشن پوائنٹس پر 60 ٹن راشن موجود ہے۔ ڈی جی آئی ایس پی آر کے مطابق متاثرہ علاقوں میں 4 میڈیکل ریلیف کیمپ بھی قائم کر دیئے گئے ہیں ۔ نقل مکانی اور راشن کی تقسیم کیلئے 2 ہیلی کاپٹر بھی مختص کر دیئے گئے ہیں۔ آئی ایس پی آر کے مطابق صبح سے 900 متاثرہ خاندانوں کو خوراک اور پانی فراہم کیا جا چکا ہے ۔ آرمی چیف جنرل راحیل نے قحط زدگان کی مدد کرنے کی ہدایت دی تھی۔

اپنی رائے کا اظہار کریں

Your email address will not be published. Required fields are marked *