پہلا ون ڈے: پاکستان نے نیوزی لینڈ کو 6 وکٹوں سے شکست دے دی
پاکستان نے نسیم شاہ کی شان دار باؤلنگ کے بعد بلے بازوں کی ذمہ دارانہ کارکردگی کی بدولت نیوزی لینڈ کو سیریز کے پہلے ایک روزہ میچ میں 6 وکٹوں سے شکست دے کر 0-1 کی برتری حاصل کرلی۔
نیوزی لینڈ نے پہلے بیٹنگ کرتے ہوئے پاکستان کو جیت کے لیے 256 رنز کا ہدف دے دیا تھا۔
کراچی میں کھیلے گئے سیریز کے پہلے میچ میں پاکستان نے ٹاس جیت کر نیوزی لینڈ کو پہلے بیٹنگ کی دعوت دی۔
Pakistan's ODI player No.239 @iamusamamir gets his debut cap from @Saqlain_Mushtaq ?#TayyariKiwiHai | #PAKvNZ pic.twitter.com/MBLlsLbFZX
— Pakistan Cricket (@TheRealPCB) January 9, 2023
پاکستان کے نسیم شاہ نے اپنے کپتان کا فیصلہ درست ثابت کرتے ہوئے پہلے ہی اوور میں ڈیوون کونووے کو صفر پر آؤٹ کردیا۔
BOWLED 'IM ?@iNaseemShah with the first-over wicket ?#PAKvNZ | #TayyariKiwiHai pic.twitter.com/v5JHtZbgKU
— Pakistan Cricket (@TheRealPCB) January 9, 2023
کیوی ٹاپ آرڈر کی ناکامی کے بعد گلین فلپس اور مائیکل بریسویل نے بھی ٹیم کو معقول ہدف کی طرف لے جانے کی بھرپور کوشش کی اور شراکت میں اسکور 213 رنز تک پہنچایا۔
گلین فلپس 37 رنز بنا کر آؤٹ ہونے والے نیوزی لینڈ کے چھٹے بلے باز تھے، انہیں نسیم شاہ نے کپتان بابراعظم کے ہاتھوں کیچ کرایا۔
مائیکل بریسویل نے میچ میں نیوزی لینڈ کی جانب سے سب سے زیادہ 43 رنز بنائے تاہم نسیم شاہ نے 220 کے اسکور پر ان کی وکٹیں بکھیر دیں۔
Crashing the stumps, @iNaseemShah style! ??#PAKvNZ | #TayyariKiwiHai pic.twitter.com/G6qYUjiygn
— Pakistan Cricket (@TheRealPCB) January 9, 2023
بابراعظم 66 رنز بنا کر آؤٹ ہوئے، جس کے لیے انہوں نے 82 گیندوں کا سامنا کیا، ان کی اننگز میں 5 چوکوں اور ایک چھکا شامل تھا۔
محمد رضوان نے کپتان کے آؤٹ ہونے کے بعد ذمہ داری سنبھالی جبکہ ان کا ساتھ دینے کے لیے حارث سہیل میدان میں آئے، اس دوران انہوں نے اپنی نصف سنچری مکمل کی۔
FIFTY!
— Pakistan Cricket (@TheRealPCB) January 9, 2023
Mohammad Rizwan brings up his 7th ODI half-century?#PAKvNZ | #TayyariKiwiHai pic.twitter.com/DKWO1tQ2l7
حارث سہیل نے جارحانہ انداز میں بیٹنگ کی اور 23 گیندوں میں 2 چوکوں اور 2 چھکوں کی مدد سے 32 رنز بنائے اور ٹم ساؤدھی کی گیند پر ایک اور اونچا شاٹ کھیلنے کی کوشش میں سینٹنر کو کیچ دے بیٹھے۔
Once again! Haris Sohail goes even bigger this time ?#PAKvNZ | #TayyariKiwiHai pic.twitter.com/f9J4UXwVle
— Pakistan Cricket (@TheRealPCB) January 9, 2023
محمد رضوان نے ناقابل شکست 77 رنز بنائے، آغا سلمان نے آؤٹ ہوئے بغیر 13 رنز بنالیے تھے۔
1️⃣-0️⃣ up ?
— Pakistan Cricket (@TheRealPCB) January 9, 2023
Pakistan cruise to a comfortable win in the first ODI ?#PAKvNZ | #TayyariKiwiHai pic.twitter.com/BPAYGjsHXf
نیوزی لینڈ کے بریسویل نے 2، ٹم ساؤدھی اور گلین فلپس نے ایک،ایک وکٹ حاصل کی۔
نسیم شاہ کو 5 وکٹیں حاصل کرنے پر میچ کا بہترین کھلاڑی قرار دیا گیا۔
اس سے قبل پاکستان نے میچ میں نوجوان اسپنر اسامہ میر کو ڈیبیو کرایا ہے جبکہ نیوزی لینڈ کی جانب سے ہنری شپلی بھی کیریئر کا پہلا انٹرنیشنل میچ کھیل رہے ہیں۔
یاد رہے کہ دونوں ٹیموں کے درمیان ٹیسٹ سیریز ڈرا ہوگئی تھی۔
میچ کے لیے دونوں ٹیمیں ان کھلاڑیوں پر مشتمل تھیں۔
پاکستان: بابر اعظم (کپتان)، امام الحق، فخر زمان، محمد رضوان، حارث سہیل، سلمان علی آغا، محمد نواز، اسامہ میر، محمد وسیم، حارث رؤف اور نسیم شاہ۔
نیوزی لینڈ: کین ولیمسن (کپتان)، فن ایلن، ڈیون کونوے، ڈیرل مچل، ٹام لیتھم، گلین فلپس، مائیکل بریسویل، مچل سینٹنر، ہنری شپلی، ٹم ساؤدھی اور لوکی فرگوسن۔
