کراچی میں حرا مانی اور نبیل قریشی کی شوٹنگ ٹیم پر حملہ
سندھ کے دارالحکومت کراچی میں شوٹنگ میں مصروف ٹیم پر حملہ کرکے اداکاروں، ہدایت کار اور ٹیم کے دیگر ارکان کو زدوکوب کا نشانہ بناکر ان سے موبائل فون اور دیگر سامان چھین لیا گیا۔
ہدایت کار اور فلم ساز نبیل قریشی نے 6 فروری کو اپنی ٹوئٹ میں بتایا کہ وہ اپنی ٹیم کے ہمراہ پیر الاہی بخش (پی آئی بی) کالونی کے علاقے جمشید کوارٹر میں شوٹنگ میں مصروف تھے کہ ہجوم نے ان پر حملہ کردیا۔
1/1 We has been attacked by mov in PIB Colony/jamshed quater martin road during shoot they got into the house we were shooting a hundred of people they harrases women/actresses, beat the shit out of crew, stole mobiles, equipment @HiraMani_real @ManiSalmanKhi #gulerana
— Nabeel Qureshi (@nabeelqureshi) February 6, 2023
انہوں نے بتایا کہ ہجوم شوٹنگ کے وقت ایک گھر میں گھس آیا، جہاں موجود درجنوں خواتین و اداکاراؤں کو ہراساں کیا گیا، ان پر تشدد کیا گیا، ان سے موبائل فون اور دیگر سامان سمیت ٹیم ارکان سے آلات بھی چھین لیے۔
نبیل قریشی نے اپنی سلسلسہ وار ٹوئٹس میں بتایا کہ حملہ کرنے والا ہجوم جدید ہتھیاروں سے لیس تھا، جنہوں نے خواتین اور بچوں کا بھی لحاظ نہیں کیا اور انہوں نے پہلی بار کراچی میں اس طرح کے مسئلے کا سامنا کیا۔
1/2 we are sitting here in PIB police station, they attacked like anything honestly this never happened before in karachi, they were equipped with weapons, they stole mobiles wallet they do not care about ladies they raise their hands etc.
— Nabeel Qureshi (@nabeelqureshi) February 6, 2023
فلم ساز نے ایک اور ٹوئٹ میں بتایا کہ انہوں نے پولیس کو واقعے سے متعلق آگاہ کردیا اور ساتھ ہی انہون نے سندھ حکومت، پولیس اور رینجرز سے مطالبہ کیا کہ وہ حملہ کرنے والے ملزمان کو گرفتار کرکے انہیں کڑی سزا دیں تاکہ دوبارہ کسی شوٹنگ ٹیم کے ساتھ ایسا واقعہ پیش نہ آئے۔
انہوں نے واقعے کو انتہائی اذیت ناک قرار دیتتے ہوئے کہا کہ واقعے کے بعد جہاں اب تک وہ خود ٹراما کا شکار ہیں، وہیں خواتین، ٹیم کے ارکان اور شوٹنگ سیٹ پر موجود بچے بھی خوفزدہ ہیں اور ان کی پوری ٹیم اذیت ناک تجربے سے گزری۔
We want #sindhpolice & #sindhrangers to take strict action against these ppl, to make example out of it @ManiSalmanKhi @HiraMani_real i request to my fraternity all the actors producers to make sure that this shouldn't happened again to any of us!
— Nabeel Qureshi (@nabeelqureshi) February 6, 2023
نبیل قریشی نے اپنی ٹوئٹس میں اداکارہ حرا مانی اور ان کے شوہر مانی کو بھی مینشن کیا اور بعد ازاں انہوں نے بھی اپنی سوشل میڈٰیا پوسٹس پر واقعے سے متعلق خبر شیئر کی اور خود پر حملے کو انتہائی خوف زدہ قرار دیا۔
اگرچہ نبیل قریشی نے بتایا کہ ہجوم نے ان پر شوٹنگ کے دوران حملہ کیا، تاہم انہوں نے یہ واضح نہیں کیا کہ وہ کسی ڈرامے کی شوٹنگ میں مصروف تھے یا پھر وہ کسی فلم کو بنا رہے تھے۔
واقعے کی خبر شیئر کیے جانے کے بعد شوبز شخصیات اور مداحوں نے نبیل قریشی اور حملے کا نشانہ بننے والی شوبز شخصیات سے اظہار افسوس کرتے ہوئے ان کے ساتھ ہمدردی کا اظہار بھی کیا۔
اطلاعات ہیں کہ شوٹنگ پر حرا مانی اور ان کے شوہر مانی کے علاوہ سینیئر اداکارہ گل رعنا اور ابھرتی ہوئی اداکارائیں بھی موجود تھیں اور حملے کے بعد زیادہ تر اداکارائیں تاحال خوفزدہ ہیں۔
https://instagram.com/p/CoVCuV1Nnlk/embed/captioned/?cr=1&v=13&wp=540&rd=https%3A%2F%2Fwww.dawnnews.tv&rp=%2Fnews%2F1196725%2F#%7B%22ci%22%3A0%2C%22os%22%3A2610.0999999940395%2C%22ls%22%3A769.1999999880791%2C%22le%22%3A2466.7999999821186%7D
