پی ایس ایل8: اسلام آباد یونائیٹڈ 90 رنز پر ڈھیر، قلندرز کی 110 رنز سے فتح

پاکستان سپر لیگ (پی ایس ایل) 2023 کے اہم میچ میں لاہور قلندرز نے شان دار بیٹنگ کے بعد زبردست باؤلنگ کے ذریعے اسلام آباد یونائیٹڈ کی مضبوط ٹیم کو صرف 90 رنز پر آؤٹ کرکے میچ 110 رنز سے جیت لیا۔

قذافی اسٹیڈیم لاہور میں کھیلے گئے پی ایس ایل 2023 کے 16 ویں میچ میں لاہور قلندرز نے ٹاس جیت کر پہلے خود بیٹنگ کا فیصلہ کیا۔

حسن علی نے 4 رنز بنائے اور 90 کے اسکور پر رن آؤٹ ہوئے۔

لاہور قلندرز کے سکندر رضا نے یونائیٹڈ کی آخری وکٹیں 90 کے اسکور پر ہی گرادیں جہاں ذیشان ضمیر اور ابرار احمد کھاتہ کھولے بغیر آؤٹ ہوئے۔

فہیم اشرف نے 4 رنز بنائے لیکن ٹیم کو ایک بڑی شکست سے بچانے میں ناکام رہے۔

اسلام آباد یونائیٹڈ کی پوری ٹیم 14 ویں اوور کی پانچویں گیند پر 90 رنز پر ڈھیر ہوئی اور 110رنز کی بڑی شکست کا سامنا کرنا پڑا۔

A routing in Lahore as the hosts win by 1️⃣1️⃣0️⃣ runs!#HBLPSL8 | #SabSitarayHumaray | #LQvIU pic.twitter.com/lTS1QtA9sN

— PakistanSuperLeague (@thePSLt20) February 27, 2023

لاہور قلندرز کی جانب سے ڈیوڈ ویزے نے سب سے زیادہ 3 وکٹیں حاصل کیں، راشد خان اور سکندر رضا نے بالترتیب 2،2 کھلاڑیوں کو آؤٹ کیا۔

ڈیوڈ ویزے کو میچ کا بہترین کھلاڑی قرار دے دیا گیا۔

قلندرز نے اس جیت کے ساتھ ہی بہترین رن ریٹ کی بنیاد پر پوائنٹس ٹیبل پر ملتان سلطانز کو پیچھے چھوڑ دیا اور پہلی پوزیشن حاصل کرلی۔