انٹرنیشنل کرکٹ کونسل کے ایک نمائندے نے راولپنڈی پولیس کی جانب سے گیریژن سٹی کے کرکٹ اسٹیڈیم میں منعقد ہونے والے پاکستان سپر لیگ کے میچوں میں شرکت کرنے والے کرکٹرز کی حفاظت کے انتظامات کو سراہا۔
رپورٹ کے مطابق آئی سی سی عہدیدار ڈیوڈ اسنیئر نے سٹی پولیس آفیسر سید خالد محمود ہمدانی سے بھی ملاقات کی اور پاکستان سپر لیگ کے لیے سیکیورٹی انتظامات کا جائزہ لیا۔
"Your men are doing a good job"
— Rawalpindi Police (@RwpPolice) March 5, 2023
Words of appreciation for CPO by Mr. David Snare Pesi Security Official for int'l players #PSL8. Under the command of CPO Syed Khalid Hamdani; @RwpPolice is ensuring foolproof security to make this event safe & fun for everyone. #RwpPoliceForPSL pic.twitter.com/apTprezVKu
پولیس کے ترجمان نے بتایا کہ سی پی او خالد محود ہمدانی نے پی ایس ایل کے لیے سیکیورٹی ڈیوٹی کے جائزے کے دوران آئی سی سی کے سیکیورٹی عہدیدار سے ملاقات کی۔
ترجمان نے سی پی او کے حوالے سے بتایا کہ ’میں بین الاقوامی کھلاڑیوں کے لیے حفاظتی انتظامات دیکھ رہا ہوں‘ اور بہت اچھا کام کرنے پر ان کی اور راولپنڈی پولیس کی تعریف کی۔
دریں اثنا راولپنڈی پولیس نے ٹوئٹر پر ایک ویڈیو پوسٹ کی جس میں پولیس افسر اور آئی سی سی عہدیدار کے درمیان ہونے والی گفتگو کو دکھایا گیا، جس میں ان کا کہنا تھا کہ سی پی او پی ایس ایل سیکیورٹی کے حوالے سے ’اچھا کام کر رہے ہیں‘۔
ٹوئٹ میں آئی سی سی عہدیدار کے حوالے سےکہا گیا کہ سی پی او سید خالد ہمدانی کی کمان میں راولپنڈی پولیس ایونٹ کو ہر کسی کے لیے محفوظ اور پر لطف بنانے کے لیے فول پروف سیکیورٹی کو یقینی بنا رہی ہے۔
سی پی خالد محود او ہمدانی نے ڈان سے بات کرتے ہوئے کہا کہ پی ایس ایل میں شرکت کرنے والے کھلاڑیوں کو فول پروف سیکیورٹی فراہم کرنے کے لیے تمام وسائل بروئے کار لائے جا رہے ہیں۔
سیکیورٹی اقدامات
پی ایس ایل میچز کی سیکیورٹی کو یقینی بنانے کے لیے ایلیٹ فورس اور ڈولفن فورس سمیت 5 ہزار سے زائد پولیس اہلکار تعینات کیے گئے ہیں۔
اسٹیڈیم کے دورے کے دوران مسٹر ہمدانی نے پولیس اہلکاروں سے فرداً فرداً ملاقات کی اور لگن سے ڈیوٹی سرانجام دینے پر ان کی تعریف کی۔
راولپنڈی پولیس کے #PSL کے حوالے سے فول پروف سکیورٹی انتظامات، راولپنڈی کرکٹ سٹیڈیم میں چوتھا میچ اختتام پزیر۔ آر پی او سید خرم علی اور سی پی او سید خالد محمود ہمدانی کی زیرنگرانی پانچ ہزار سےزائد افسران و اہلکاروں نے محنت و مستعدی سے سکیورٹی کے فرائض سرانجام دیے۔ #RwpPoliceForPSL pic.twitter.com/tMbQkp2eJQ
— Rawalpindi Police (@RwpPolice) March 6, 2023