اسپاٹی فائی سے بولی وڈ گانے ہٹانے پر بھارتی صارفین برہم
اگر آپ بھی بولی وڈ گانے سننے کے شوقین ہیں تو بُری خبر یہ ہے کہ آڈیو اسٹریمنگ اور میڈیا سروس اسپاٹی فائی نے 100 سے زائد بولی وڈ گانے اپنے پلیٹ فارم سے ہٹا دیے ہیں۔
بھارتی اخبار ہندوستان ٹائمز کے مطابق مشہور فلم ’رئیس‘ کا گانا ’ظالمہ‘ کے علاوہ فلم بار بار دیکھو کا گانا ’کالا چشمہ‘ جیسے متعدد مشہور گانوں کو پلیٹ فارم سے ہٹا دیا گیا ہے۔
رپورٹ کے مطابق اسپاٹی فائی نے اپنی ویب سائٹ میں بولی وڈ گانے ہٹانے کی وجہ بتاتے ہوئے کہا کہ ان گانوں کو کاپی رائٹ کے مالکان کے ساتھ معاہدے کے مسائل کی وجہ سے ہٹایا گیا ہے۔
اسپاٹی فائی نے وضاحت دیتے ہوئے بتایا کہ وہ دنیا بھر کے تمام گانوں اور پاڈکاسٹ تک رسائی نہیں دیتا، کسی بھی اسٹریمنگ ایپ کی طرح اسپاٹی فائی مواد حاصل کرنے کے لیے معاہدے طے کرتا ہے۔
پلیٹ فارم کا کہنا تھا کہ ہٹانے جانے والے گانوں کے مالکان سے پرانا معاہدہ ختم ہونے کے بعد نیا معاہدہ طے نہیں ہوپایا۔
یہ بالکل نیٹ فلکس کی طرح کام کرتا ہے، اگر مالکان کے ساتھ معاہدہ ختم ہوجائے تو مذکورہ مواد کو ہٹا دیا جاتا ہے۔
آڈیو پلیٹ فارم سے گانے ہٹائے جانے کے بعد متعدد بھارتی مداحوں نے سماج رابطے کی ویب سائٹ ٹوئٹر پر اسپاٹی فائی کے خلاف احتجاج بھی کیا۔
I'm so pissed that spotify took away all my favorite bollywood songs
— naomi ❀ (@mirrorsofmine) March 19, 2023
@ZeeMusicCompany its really sad that we are no longer Abel to listen to all your songs on @spotifyindia, kindly do something about it. ??#spotifyIndia #zeemusic #bollywoodsongs #Bollywood
— Arun Shankar (@KeepItStarFOXx) March 21, 2023
