افغانستان نے باؤلرز کی عمدہ کارکردگی کی بدولت پاکستان کو دوسرے ٹی20 میچ میں 7 وکٹوں سے شکست دے کر سیریز میں 0-2 کی فیصلہ کن برتری حاصل کر لی۔
شارجہ میں کھیلے گئے سیریز کے دوسرے ٹی20 میچ میں پاکستان نے ایک مرتبہ پھر ٹاس جیت کر پہلے بیٹنگ کا فیصلہ کیا جو درست ثابت نہ ہو سکا۔
فضل الحق فاروقی نے عمدہ اسپیل کرتے ہوئے اپنے پہلے ہی اوور میں نوجوان اوپنر صائم ایوب کے بعد عبداللہ شفیق کو بھی پہلی گیند پر چلتا کردیا۔
? T O S S A L E R T ?
— Pakistan Cricket (@TheRealPCB) March 26, 2023
Pakistan win the toss and elect to bat first ?#AFGvPAK | #BackTheBoysInGreen pic.twitter.com/Nm29YrfQsw
ابھی اسکور 20 تک پہنچا ہی تھا کہ محمد حارث بھی صرف 15 رنز بنانے کے بعد نوین الحق کو وکٹ دے بیٹھے۔
نئے بلے باز عماد وسیم اور طیب طاہر نے اسکور کو بتدریج آگے بڑھانا شروع کیا اور چوتھی وکٹ کے لیے 40 رنز جوڑے لیکن طیب 23 گیندوں پر 13 رنز کی اننگز کریم جنت کے ہاتھوں اختتام کو پہنچی۔
اعظم خان ایک مرتبہ پھر ناکامی سے دوچار ہوئے اور صرف ایک رن بنانے کے بعد راشد خان کا شکار بن گئے۔
اس مرحلے پر عماد وسیم کا ساتھ دینے کپتان شاداب خان آئے اور دونوں نے ذمے دارانہ بیٹنگ کرتے ہوئے چھٹی وکٹ کے لیے 67 رنز کی ساجھے داری قائم کی۔
6️⃣7️⃣-run stand between @simadwasim and @76Shadabkhan gets Pakistan to 130-6 in their 20 overs ?#AFGvPAK | #BackTheBoysInGreen pic.twitter.com/FXqF2BuMiR
— Pakistan Cricket (@TheRealPCB) March 26, 2023
عماد وسیم نے پاکستان سپر لیگ کی فارم برقرار رکھتے ہوئے مشکل وقت میں نصف سنچری اسکور کی اور 64 رنز کی باری کھیلی جبکہ شاداب خان نے بھی اننگز کی آخری گیند پر آؤٹ ہونے سے قبل 32 رنز بنائے۔
پاکستان نے مقررہ اوورز میں 6 وکٹوں کے نقصان پر 130 رنز بنائے۔
افغانستان کی جانب سے فضل الحق فاروقی نے دو جبکہ راشد، مریم جنت اور نوین نے ایک، ایک وکٹ اپنے نام کی۔
ہدف کے تعاقب میں افغانستان کو اوپنرز نے 30 رنز کا بہتر آغاز فراہم کیا جس کے بعد زمان خان نے عثمان غنی کی وکٹیں بکھیر کر پاکستان کو پہلی کامیابی دلائی۔
.@simadwasim shone with his fighting innings ?#AFGvPAK | #BackTheBoysInGreen pic.twitter.com/vVUPMz4wL8
— Pakistan Cricket (@TheRealPCB) March 26, 2023
اس کے بعد رحمٰن اللہ گرباز کا ساتھ دینے ابراہیم زدران آئے اور دونوں کھلاڑیوں نے دوسری وکٹ کے لیے 56 رنز کی ساجھے داری قائم کر کے اپنی ٹیم کی جیت کے امکانات کو روشن کردیا۔
اس مرحلے پر وکٹوں کے درمیان غلط فہمی کے نتیجے میں نسیم شاہ کی براہ راست تھرو پر رحمٰن رن آؤٹ ہو کر پویلین لوٹے، انہوں نے 49 گیندوں پر ایک چھکے اور دو چوکوں سے سجی 44 رنز کی باری کھیلی۔
ابراہیم زدران نے نجیب اللہ کے ساتھ مل کر ٹیم کی سنچری مکمل کرائی لیکن 102 کے مجموعے پر وہ بھی 38 رنز بنانے کے بعد احسان اللہ کو وکت دے بیٹھے۔
میچ کے آخری دو اوورز میں افغانستان کو فتح کے لیے 22 رنز درکار تھے لیکن نسیم شاہ کے اوور میں دو چھکوں سمیت 17 رنز کی بدولت افغانستان کی ٹیم فتح کی دہلیز پر پہنچ گئی اور ایک گیند قبل ہی باآسانی ہدف حاصل کر کے تاریخی کامیابی اپنے نام کر لی۔
Afghanistan win the second T20I by seven wickets to gain a 2-0 lead in the series.#AFGvPAK | #BackTheBoysInGreen pic.twitter.com/oIsum4ZJII
— Pakistan Cricket (@TheRealPCB) March 26, 2023
اس فتح کی بدولت افغانستان نے سیریز میں بھی 0-2 کی فیصلہ کن برتری حاصل کر لی جو ان کی آئی سی سی رینکنگ میں سرفہرست چھ ٹیموں کے خلاف کسی بھی سیریز میں پہلی کامیابی ہے۔
فضل الحق فاروقی کو ان کے عمدہ اسپیل پر میچ کا بہترین کھلاڑی قرار دیا گیا۔