پی ٹی آئی نے جوڈیشل کمیشن آرڈیننس کا مسودہ مسترد کردیا

imranپی ٹی آئی نے جوڈیشل کمیشن کے لیے آرڈیننس کا مسودہ مسترد کردیا ہے۔جہانگیر ترین کہتے ہیں کہ مسودہ طے شدہ باتوں سے مختلف ہے۔پاکستان تحریک انصاف کے ترجمان کے مطابق وفاقی حکومت کی جانب سے انہیں تیار شدہ مسودے کی کاپی ارسال کی گئی لیکن اس کا مطالعہ کرنے کے بعد اس بات کا علم ہوا کہ اس میں ان شقوں کا ذکر ہی نہیں کیا گیا جو پی ٹی آئی اور حکومت کے درمیان چند روز قبل طے پائی تھیں ، پی ٹی آئی ترجمان کا کہنا ہے کہ مسودے کے بارے میں مستقبل کے لائحہ عمل کا اعلان جلد کیا جائے گا ۔
تحریک انصاف کے سیکریٹری جنرل کا کہنا ہے کہ وزیر خزانہ اسحاق ڈار نے انہیں وزیر اعظم ہاوس میں کُل جماعتی کانفرنس کے دوران مسودہ دیا تھا۔ ان کا کہنا تھا کہ مسودہ اس حالت میں قابل قبول نہیں ہے، تاہم آج حکومت کے ساتھ ہونے والے مذاکرات میں اس مسودے پر بات ہوگی اور اسے حتمی شکل دینے کی کوشش کی جائے گی۔

اپنی رائے کا اظہار کریں

Your email address will not be published. Required fields are marked *