پاکستان اور بھارت کے درمیان تمام مسائل بات چیت سے حل کرنا چاہتے ہیں، وزیراعظم نوازشریف

Image result for ‫نواز شریف‬‎

 اسلام آباد -وزیراعظم نواز شریف نے پاکستان اوربھارت کے درمیان اختلافات دورکرانے کے لیے صدر ٹرمپ کی آمادگی کاخیر مقدم کرتے ہوئے کہا کہ پاکستان بھارت کے ساتھ کشمیر سمیت تمام تصفیہ طلب مسائل بات چیت سے حل کرنا چاہتا ہے۔

وزیر اعظم نواز شریف سے امریکی قومی سلامتی مشیر میک ماسٹر نے ملاقات کی۔ جس میں دو طرفہ امور، خطے کی صورت حال، افغانستان میں امن اور باہمی دلچسپی کے دیگر امور تبادلہ خیال کیا گیا۔ اس موقع پر وزیراعظم کا کہنا تھا کہ معاشی اصلاحات سے اعتدال پسند اور جمہوری ملک کی بنیاد رکھ رہے ہیں، عالمی برادری پاکستان میں معاشی ترقی کااعتراف کرتی ہے۔

نواز شریف کا کہنا تھا کہ حکومت نے ملک سے دہشت گردی اور انتہاپسندی کے خاتمے کے لئے اتفاق رائے پیدا کیا ہے، پاکستان امریکہ کے ساتھ نہ صرف مضبوط اور باہمی مفاد پر مبنی شراکت داری چاہتا ہے بلکہ خطے میں امن وسلامتی کے لئے نئی امریکی انتظامیہ کے ساتھ ملکر کام بھی کرنا چاہتا ہے۔ ان کا کہنا تھا کہ پاکستان بھارت کے ساتھ کشمیر سمیت تمام تصفیہ طلب مسائل بات چیت سے حل کرنا چاہتا ہے، افغان بحران کے حل کے لیے پاکستان عالمی برادری کے ساتھ ملکر کام کرنے کے لیے تیار ہے۔ وزیراعظم نواز شریف نے پاکستان اوربھارت کے درمیان اختلافات دورکرانے کے لیے صدر ٹرمپ کی آمادگی کاخیر مقدم کرتے ہوئے کہا کہ صدر ٹرمپ کے اقدام سے خطے میں پائیدار امن اور خوشحالی آئے گی :-

پاکستان اور بھارت کے درمیان تمام مسائل بات چیت سے حل کرنا چاہتے ہیں، وزیراعظم نوازشریف” پر ایک تبصرہ

اپنی رائے کا اظہار کریں

Your email address will not be published. Required fields are marked *