نسیم شاہ کا شاندار اسپیل، اہم اعزاز بھی اپنے نام کرلیا، ٹوئٹر پر ٹاپ ٹرینڈ
راولپنڈی کرکٹ اسٹیڈیم میں نیوزی لینڈ کے خلاف پہلے ون ڈے میں نسیم شاہ کی دھواں دھار باؤلنگ نے سب کو متاثر کیا، ان کی عمدہ باؤلنگ سے کیوی بلے بازوں کو رنز بنانے میں مشکل کا سامنا رہا۔
پاکستان کرکٹ ٹیم کے فاسٹ باؤلر نسیم نے گزشتہ روز ون ڈے میں عمدہ باؤلنگ کا مظاہرہ کرتے ہوئے اپنے 10 اوورز میں صرف 29 رنز دیے۔
اس دوران انہوں نے ابتدائی 6 ون ڈے میچز میں سب سے زیادہ وکٹوں کا اعزاز بھی اپنے نام کر لیا۔
فاسٹ باؤلر نے میچ کے آخری اوور کی آخری 2 گیندوں پر 2 اہم وکٹیں حاصل کر کے یہ اعزاز حاصل کیا۔
Naseem Shah was on point in his first spell ?
— Cricket Pakistan (@cricketpakcompk) April 27, 2023
Unlucky to not get a wicket #PAKvNZ pic.twitter.com/23HObzHyaL
نسیم شاہ نے کریئر کے 6 ابتدائی میچز میں 20 وکٹیں حاصل کی ہیں، اس سے قبل یہ اعزاز نیوزی لینڈ کے میٹ ہینری کے پاس تھا جنہوں نے ابتدائی 6 میچز میں 19 وکٹیں حاصل کی تھیں۔
نسیم شاہ کی باؤلنگ کی رفتار نے نیوزی لینڈ کے بلے بازوں کو کھل کر رنز بنانا مشکل بنادیا تھا۔
نسیم شاہ شاندار باؤلنگ کے باوجود اپنے پہلے اسپیل میں وکٹ لینے میں ناکام رہے تاہم اس کا صلہ انہیں آخری اوور میں ملا جب انہوں نے آخری گیند پر راچن رویندر کو آؤٹ کیا، نسیم شاہ کی دوسری وکٹ بھی متاثر کن تھی انہوں نےنیوزی لینڈ کی اننگز کی آخری گیند پر ایڈم ملن کو خوبصورت یارکر کے ذریعے کلین بولڈ کیا۔
نسیم شاہ کی گزشتہ روز کی کارکردگی قابل ذکر تھی، ان کے شانداز اسپیل سے مہمان بلے باز کھل کر بیٹنگ نہ کر سکے۔
ان کی کارکردگی نے نیوزی لینڈ کو 288 رنز تک محدود کرنے میں اہم کردار ادا کیا، جو ایک موقع پر 300 سے زائد رنز بنانے کے لیے تیار نظر آرہے تھے۔
نسیم شاہ ٹوئٹر پر ٹاپ ٹرینڈ
نسیم کے عمدہ کارکردگی پر شاہد آفریدی بھی داد دیے بنا نہ رہ سکے، انہوں نے ٹوئٹر پر لکھا کہ ’نسیم نے شاندار باؤلنگ کروائی، نسیم نے بالکل اسی طرح بولنگ کی جس طرح ایسی پچز پر فاسٹ بولرز کو کرنی چاہیے۔‘
Outstanding bowling by Naseem, he bowled exactly how a fast bowler should on such pitches. It is a gettable total, hope the batters can chase this down. Goodluck Pakistan! #PAKvsNZ
— Shahid Afridi (@SAfridiOfficial) April 27, 2023
علی اسد نے لکھا کہ ’نسیم شاہ نے 5 اوورز میں 9 رنز دیے ہیں ایک ایسی پچ پر جہاں اسکور 350 سے اوپر جاسکتا تھا۔ میں بیان نہیں کرسکتا کہ یہ کتنا بہترین ہے، وہ بہترین باؤلر ہیں‘
Naseem Shah has given 9 runs in 5 overs on an absolute road of a pitch where the par score is likely above 350. I cannot begin to explain how insane that is. Ridiculously good bowler
— Ali Asad (@aliasad1998) April 27, 2023
اس کے علاوہ دیگر صارفین نے بھی نسیم شاہ کو بھر پور داد دی۔
https://twitter.com/FaridKhan/status/1651595980360540166?ref_src=twsrc%5Etfw%7Ctwcamp%5Etweetembed%7Ctwterm%5E1651595980360540166%7Ctwgr%5E397ece1d7bcb6bcaf7b85d224a4ee3503c52c307%7Ctwcon%5Es1&ref_url=https%3A%2F%2Fwww.dawnnews.tv%2Fnews%2F1201695
It just baffles me how Naseem Shah went wicketless in his first spell. Pace, accuracy and that shape. You gotta feel for his luck sometimes.. Phew!! pic.twitter.com/u100yFHRhI
— Syed Ali Imran (@syedaliimran) April 27, 2023
