Site icon DUNYA PAKISTAN

بھارت کو شکست دے کر آسٹریلیا ورلڈ ٹیسٹ چیمپئن بن گیا

ایڈمن ڈیسک
Share

آسٹریلیا آئی سی سی ورلڈ ٹیسٹ چیمپئن شپ کے فائنل میں بھارت کو شکست دیکر ورلڈ ٹیسٹ چیمپئن بن گیا۔

بھارت اور آسٹریلیا کے درمیان آئی سی سی ورلڈ ٹیسٹ چیمپئن شپ کا کیننگٹن اوول لندن میں جاری تھا جہاں بھارتی ٹیم کو مسلسل دوسرے فائنل میں شکست کا سامنا کرنا پڑا۔

اس میچ میں کرکٹ کے تمام سابقہ ریکارڈز بھارت کے خلاف تھے جس میں سے ایک 146 سال کی ٹیسٹ تاریخ میں چوتھی اننگز میں جیتنے کے لیے کسی بھی ٹیم کی جانب سے بنائے گئے سب سے زیادہ اسکور سے زیادہ 444 رنز کا ہدف تھا، 2003 میں سینٹ جانز میں آسٹریلیا کے خلاف ویسٹ انڈیز نے 418 رنز کا ہدف حاصل تھا۔

واضح رہے کہ بھارتی ٹیم دوسری مرتبہ ٹیسٹ چیمپئن شپ کا فائنل کھیل رہی تھی جس میں بھی اسے شکست کا منہ دیکھنا پڑا، 2021 میں ساؤتھمپٹن میں ہونے والے آئی سی سی ورلڈ ٹیسٹ چیمپئن شپ کے افتتاحی فائنل میں نیوزی لینڈ نے بھارت کو شکست دی تھی، وہ تاحال اس عالمی ٹائنل سے محروم ہے۔

آئی سی سی ورلڈ ٹیسٹ چیمپئن شپ کے فائنل میچ کی فاتح ٹیم کے لیے 16 لاکھ امریکی ڈالرز جبکہ رنرز اپ ٹیم کے لیے 8 لاکھ امریکی ڈالرز بطور انعام رکھے گئے تھے۔

آئی سی سی ورلڈ ٹیسٹ چیمپئن شپ کے فائنل میچ میں نیوزی لینڈکے کرس گیفانی اور انگلینڈکے رچرڈ ایلنگ ورتھ ایمپائرنگ کے فرائض انجام دے رہے تھے، انگلینڈ کے ہی رچرڈ کیٹلبرو ٹی وی ایمپائر ہیں ،ریزرو امپائرسری لنکاکمار دھرم سیناجبکہ میچ ریفری ویسٹ انڈیز کے رچی رچرڈسن تھے۔

بھارتی اسکواڈ: روہت شرما (کپتان)، شوبمن گل، چیتشور پجارا، ویرات کوہلی، اجنکیا رہانے، کے ایس بھرت (وکٹ کیپر)، رویندرا جدیجا، شاردول ٹھاکر، امیش یادیو، محمد شامی، محمد سراج

آسٹریلوی اسکواڈ: ڈیوڈ وارنر، عثمان خواجہ، مارنس لبوشانے، اسٹیو اسمتھ، ٹریوس ہیڈ، کیمرون گرین، الیکس کیری (وکٹ کیپر)، پیٹ کمنز (کپتان)، مچل اسٹارک، نیتھن لیون، اسکاٹ بولانڈ۔

Exit mobile version