آج کا دن کیسا رہے گا؟ 5 جون 2018

(Mar21-April19) حمل Aries

آج مالی کمزوری بنا پر آپ کو بہت سی مشکلات کا سامنا کرنا پڑے گا جبکہ آپ کا موڈ بھی خراب ہوسکتا ہے۔  آپ کو صرف اپنے جذبات پر قابو رکھنا ہوگا اور کسی بھی بات پر شدت پسندی کا اظہار کرنے سے بچنا ہوگا اس کے علاوہ اپنے دوستوں سے بھی گرما گرمی سے گریز کریں۔

(April20-May20) ثور Taurus

آج آپ کے طے شدہ منصوبوں یا کوئی ایسا خاص کاروباری دورہ ملتوی ہوجائے گا جس کی وجہ سے آپ کی مشکلات میں اضافہ ہوسکتا ہے جبکہ آپ کی شریک حیات بھی ناراض ہوسکتی ہے۔ آج آپ کو اپنی توجہ معمولات کی ادائیگی پر ہی مرکوز رکھنی چاہیئے۔

  (May21-June21) جوزا Gemini

آج اپنی ملازمت کی جگہ پر ہونے والی غیر متوقع اور ناگوار تبدیلیوں کی وجہ سے آپ کا دل برا ہوسکتا ہے لیکن یاد رکھیں آپ کو ہر حال میں پرسکون رہنا ہوگا چاہے آپ کا ان معاملات سے کوئی تعلق ہو یا نہ ہو۔ اس کے علاوہ اگر آپ کو کسی لڑائی یا تلخی سے بچنا ہے تو دوسروں کے سامنے اپنی آواز کو دھیما رکھیں۔

 (June22-July22) سرطان Cancer

آج آپ اپنے اہل خانہ کی ضروریات کو نظر انداز کرنے اور بیک وقت بہت سی مصروفیات میں ملوث ہونے کی وجہ سے آپ کی شریک حیات آپ پر برس سکتی ہے۔ اپنے حالات کو کسی بدمزگی سے بچانے کے لئے خاموشی اختیار کریں اور بات کو بڑھنے سے روکیں۔

 (July23-Aug22) اسد Leo

آج اپنی تخلیقی صلاحیتوں اور لگن سے کام لے کر اپنے کاروباری اور پیشہ وارانہ معاملات میں کامیابیاں حاصل کرسکیں گے، اگر بات بحیثیت مجموعی کی جائے تو آپ کو ہر اس شعبے میں کامیابی مل سکتی ہے جس سے متعلقہ آپ فرائض انجام دینے کی کوشش کریں گے۔

(Aug23-Sep22) سنبلہ Virgo

آج آپ کے حلقہ احباب میں کسی خاتون کی جانب سے پھیلائی جانے والی افواہ کی اصلیت جاننے کے لئے آپ کو اپنے وجدان سے کام لینا پڑے گا۔ آج روپے پیسے کے استعمال کی وجہ سے ممکنہ طور پر آپ کی اپنی شریک حیات کے ساتھ باہمی غلط فہمیاں پیدا ہوسکتی ہیں۔

  (Sep23-Oct22) میزان Libra

آج آپ صبح سے ہی اپنے کام کی جگہ پر بے چین اور تنگ مزاج نظر آئیں گے۔ اپنے آپ کو پرسکون کرنے کے لئے آپ کو اپنے دوست احباب کے ساتھ وقت گزارنا چاہیئے جبکہ آپ کے اہل خانہ بھی آپ کے متمنی ہوسکتے ہیں۔ اس کے علاوہ آج کسی جگہ سیر و تفریح کے لئے جانے کا منصوبہ بھی بن سکتا ہے۔

   (Oct23-Nov21) عقربScorpio

آج اپنے آپ کو پرسکون رکھتے ہوئے اپنے کام نمٹانے کی کوشش کریں۔ آج کسی لین دین کی جگہ سے آپ کو رقم موصول ہوسکتی ہے۔ اس کے علاوہ آپ کسی غیر معمولی وجہ کے بغیر اپنا شکاروباری دورہ بھی ملتوی کرسکتے ہیں جس سے مزاج میں برہمی آنے سے اپنی شریک حیات کو طعنے اور کوسنے دےسکتے ہیں۔

  (Nov22-Dec22) قوس Sagittarius

آج آپ کو اپنے کسی قریبی دوست کی شراکت داری میں نئے کاروبار کا آغاز کرنا چاہیئے تاکہ اپنی موجودہ ملازمت کو جاری رکھا جائے۔ آپ ان ہی جذبات کی وجہ سے گومگو کیفیات سے دو چار ہوسکتے ہیں لیکن اس کا یہ مطلب نہیں کہ آپ جلد بازی سے کام لیں اور جوشیلے فیصلے کریں۔

 (Dec23-Jan19) جدی Capricorn

آج صبح سے ہی آپ اپنی شریک حیات کی فضول خرچی کی وجہ سے سخت ناراض ہوسکتے ہیں۔ اپنی شریک حیات سے کسی بھی متوقع لڑائی یا تلخی سے بچنے کے لئے آپ کو تحمل مزاجی سے کام لینا پڑے گا۔ شام میں اپنی خاندانی وراثت کے حصول کے بارے میں کوئی خبر آپ تک پہنچ پائے گی جو خوشی کا باعث بنے گی۔

 (Jan20-Feb18) دلو Aquarius

آج اپنے جذباتی تعلقات یا مراسم کے بارے میں کوئی بھی غیر متوقع اور ناگوار خبر سن لینے سے آپ کا موڈ خراب ہوسکتا ہے۔ آپ کو ہر حال میں محتاط رہنا ہوگا مگر کیوں؟ اس بات کا کوئی واضح جواب آپ کے سامنے نہیں ہوگا۔ آج اپنے پیاروں کے ساتھ ایسے وعدے کرنے سے گریز کریں جنہیں آپ پورا نہ کرسکتے ہوں۔

 (Feb19-Mar20) حوت Pisces

آج صبح مختصر سے نوٹس پر ہی کاروباری سفر کا آغاز کرنا پڑے گا۔ شام میں آپ کے حلقہ احباب میں شامل کسی خاتون سے بحث و تکرار کا سلسلہ بھی بن سکتا ہے اسی لئے خود پر قابو رکھیں اور کسی بھی حالت میں غصہ کا اظہار کرنے سے بچیں۔

اپنی رائے کا اظہار کریں

Your email address will not be published. Required fields are marked *