جسٹس (ر) دوست محمد نگراں وزیراعلیٰ خیبرپختونخوا مقرر

اسلام آباد:الیکشن کمیشن نے جسٹس (ر) دوست محمد کو نگراں  وزیراعلیٰ خیبرپختونخوا مقرر کر دیا،الیکشن کمیشن نے اتفاق رائے کے بعد اعلان کیا۔

منگل کو چیف الیکشن کمشنر سردار رضا خان کی زیرصدارت الیکشن کمیشن کے  اجلاس میں نگراں  وزیراعلیٰ خیبرپختونخوا کا تقرر کیا گیا۔

الیکشن کمیشن کے اعلان کے مطابق جسٹس (ر) دوست محمد نگراں وزیر اعلیٰ خیبر پختونخوا ہوں گے۔

ایڈیشنل سیکریٹری کا کہنا ہے کہ نگراں وزیر اعلیٰ پختونخوا کیلئے 4 نام دیئے گئے تھے، فیصلہ الیکشن کمیشن اجلاس میں کیا گیا۔

نگراں وزیراعلی خیبرپختونخوا کیلئے حکومت کی جانب سے اعجاز قریشی اور حمایت اللہ خان کے نام دیئے گئے جبکہ اپوزیشن کی جانب منظور آفریدی اور جسٹس (ر) دوست محمد کے نام دیئے گئے۔

وزیراعلیٰ، اپوزیشن لیڈر اور پارلیمانی کمیٹی کی ناکامی کے بعد 4 نام الیکشن کمیشن کو بھیجے گئے تھے، الیکشن کمیشن نے بھجوائے گئے افراد کے کوائف بھی منگوائے تھے۔

دوسری جانب نگراں وزیر اعلیٰ خیبر پختونخوا آج اپنے عہدے کا حلف اٹھائیں گے۔

اپنی رائے کا اظہار کریں

Your email address will not be published. Required fields are marked *