ترکی کی ایک مسجد میں نمازی 37 سال تک غلط سمت میں نماز ادا کرتے رہے

انقرہ: ترکی کی ایک مسجد میں نمازی 37 سال تک غلط سمت میں نماز ادا کرتے رہے، جس کی نشاندہی نئے امام نے کی۔ 

دی انڈیپنڈنٹ نے ترک میڈیا کے حوالے سے بتایا کہ 1981 میں مغربی صوبے یالووا کے علاقے سگورین میں واقع ایک مسجد کے محراب کی تعمیر کے دوران غلطی ہوئی، جس کے باعث خانہ کعبہ کی سمت غلط ہوگئی۔

رپورٹ کے مطابق گذشتہ سال تعینات ہونے والے نئے امام عیسٰی کایا نے اس غلطی کو نوٹ کیا اور مقامی مفتی سے مشورہ لینے کا فیصلہ کیا۔

جس کے بعد حکام نے اس بات کی تصدیق کی کہ اس مسجد کی تعمیر کے وقت اس کی محراب بنانے میں غلطی ہوئی ہے۔

بعدازاں محراب کو توڑنے کے بجائے امام نے فیصلہ کیا کہ مسجد کے قالین پر سفید رنگ کے ٹیپ سے درست سمت میں تیر کے نشان بنادیئے جائیں۔

امام کی جانب سے غلطی کی نشاندہی پر لوگوں نے مثبت رائے کا اظہار کیا ہے۔

اپنی رائے کا اظہار کریں

Your email address will not be published. Required fields are marked *