ترکی کے مذہبی ادارے نے قرآن آرمینیائی زبان میں شائع کر دیا

armenia انقرہ:مسلم اکثریتی ملک، ترکی کی سب سے بڑی مذہبی اتھارٹی’دیانت‘ نے کہا ہے کہ اس نے پہلی بار آمینیائی زبان میں ترجمہ شدہ قرآن کی ہزاروں نقول شائع کی ہیں تاکہ یہ اقلیتی آرمینیائی مسلمانوں تک پہنچ سکیں۔
دیانت کے مذہبی اشاعتی ادارے کے ڈائریکٹر، یوکسل سلمان نے کہا ہے کہ مسلمانوں کی مقدس کتاب، قرآن مجید کی آرمینیائی زبان میں اشاعت کا عثمانی سلطنت کے عہد میں آرمینیائی باشندوں کی بڑے پیمانے پر ہلاکتوں کی گزشتہ ماہ منائی جانے والی 100 ویں برسی سے کوئی تعلق نہیں ہے۔
انہوں نے اے ایف پی کو بتایا کہ ترکی میں تھوڑی سی بچ جانے والی آرمینیائی عیسائی کمیونٹی کی جانب سے اس بات کا ’’شدید تقاضا‘‘ پایا جاتا تھا اوران کی زبان میں قرآن کا ترجمہ ان کی تحریک پر کیا گیا ہے۔
انہوں نے ای میل کے ذریعے کئے گئے اپنے ایک تبصرے میں کہا، ’’ آرمینیائی شہریوں کے بارے میں مجھے مزید یہ کہنا ہے کہ، ہم قرآن پڑھنے کی آرمینیائی باشندوں کی خواہش سے خود کو لاتعلق نہیں رکھ سکتے۔‘‘
’’ہم نے دنیا کے سب سے بڑے مذاہب میں سے ایک،اسلام کے متعلق درست ترین اور اولین معلومات متعارف کرانے کیلئے یہ قدم اٹھایا ہے۔‘‘
ترکی، بالخصوص استنبول میں تقریباً 60000آرمینیائی مقیم ہیں۔ان میں سے زیادہ تر ایسے ہیں جو یہاں کام کاج کرنے کیلئے ہجرت کرکے آئے ہیں۔
4برس کی محنت کے بعد، آرمینیا کے 2بنیادی مشرقی اور مغربی لہجوں میں، قرآن کی تقریباً4000نقول شائع کی گئی ہیں۔

اپنی رائے کا اظہار کریں

Your email address will not be published. Required fields are marked *