اب تک کی سب سے تیز رفتار اور مضبوط ہائبرڈ ’لامبور گینی‘ تیار

اسپورٹس و نایاب کاریں بنانے والی اٹلی کی کمپنی ’لامبور گینی‘ نے اب تک کی دنیا کی سب سے مضبوط اور سب سے تیز رفتار ہائبرڈ کار تیار کرلی۔

لامبور گینی کی جانب سے تیار کی گئی ہائبرڈ کار کو آئندہ ہفتے جرمنی کے شہر ’فرینکفرٹ‘ میں ہونے والے آٹو شو میں متعارف کرایا جائے گا۔

یہ کار محض تین سیکنڈ میں 60 کلو میٹر فی گھنٹے کی رفتار پکڑتی ہے اور سب سے اہم بات یہ ہے کہ اس گاڑی کو دنیا کی اب تک کی تیار کی جانے والی ہائبرڈ گاڑیوں میں سب سے مضبوط قرار دیا گیا ہے۔

سیان نامی کار کی رفتار 217 کلو میٹر فی گھنٹہ ہوگی

سیان نامی کار کی رفتار 217 کلو میٹر فی گھنٹہ ہوگی

لامبور گینی کے مطابق دنیا کی سب سے تیز رفتار ہائبرڈ کار کی سب سے زیادہ اسپیڈ 217 کلو میٹر فی گھنٹہ ہوگی۔

کمپنی نے اس نئی کار کو ’سیان‘ کا نام دیا ہے اور گاڑی پر یہ نام اٹلی کے ایک گاؤں کے نام پر رکھا گیا ہے۔

لامبور گینی کمپنی اس کار کی محض 63 کاریں تیار کرے گی جو پہلے ہی فروخت ہو چکی ہیں۔

کار کو آئندہ ہفتے متعارف کرایا جائے گا

کار کو آئندہ ہفتے متعارف کرایا جائے گا

کمپنی کی جانب سے 1963 میں کاریں بنانے کے آغاز کے وقت بھی اسی طرح کم تعداد میں گاڑیاں بنائی گئی تھیں اور اب 65 سال بعد کم تعداد میں گاڑیاں بنائی جا رہی ہیں۔

کمپنی کا دعویٰ ہے کہ کار ہائبرڈ سسٹم کے ذریعے انتہائی کم وقت میں بجلی پیدا کرتی ہے اور اس سسٹم کے لیے کار میں سپر کیپیسٹر نصب کیے گئے ہیں جو ایک بار بریک لگانے پر بھی چارج ہوجاتے ہیں۔

یہ واضح نہیں ہے کہ اس کار کی قیمت کیا ہے، تاہم خیال کیا جا رہا ہے کہ اس کار کی قیمت لاکھوں ڈالر میں ہوگی۔

کمپنی نے اس گاڑی کی محض 63 کاریں تیار کی ہیں

کمپنی نے اس گاڑی کی محض 63 کاریں تیار کی ہیں

اپنی رائے کا اظہار کریں

Your email address will not be published. Required fields are marked *