افغانستان میں فٹبال میچ کے دوران بم دھماکہ، 9 جاں بحق

afghanجنوب مشرقی افغانستان میں ایک فٹبال میچ کے دوران مبینہ خود کش حملے میں کم ازکم نو افراد ہلاک جبکہ 50 سے زائد زخمی ہو گئے۔

پاکستانی سرحد کے قریب اتوار کو افغان صوبے پکتیکا میں ہونے والے اس حملے کی فوری تفصیلات سامنے نہیں آسکیں۔

مقامی حکام نے بتایا کہ دھماکا کار یا موٹر سائیکل میں نصب بم کی وجہ سے ہوا اور حملے کا ہدف میچ دیکھنے والے سرکاری ملازمین ہو سکتے ہیں۔

وزارت داخلہ کے ترجمان صدیق صدیقی نے نو ہلاکتوں کی تصدیق کی ہے، تاہم پکتیکا کے پولیس سربراہ زراور زاہد کے مطابق دس افراد ہلاک جبکہ بچوں سمیت 33 زخمی ہوئے۔

یاد رہے کہ گزشتہ سال پکتیکا میں اسی طرح ایک والی بال میچ میں کم از کم 50 ہلاکتیں ہوئی تھیں۔ابھی تک کسی نے حملے کی ذمہ داری قبول نہیں کی۔

اپنی رائے کا اظہار کریں

Your email address will not be published. Required fields are marked *