عدالت نے نواب اکبر بگٹی کی قبر کشائی کے لیے نوٹس جاری کر دیے

bugtiکوئٹہ میں انسداد دہشت گردی کی عدالت نے نواب اکبر بگٹی کی قبر کشائی اور ڈی این اے ٹیسٹ کیلئے دی جانے والی درخواستوں پر فریقین کو نو ٹسز جاری کرتے ہوئے سماعت 13جنوری تک ملتوی کر دی۔
انسداد دہشت گردی عدالت کے جج جان محمد گوہر کی عدالت میں کیس کی سماعت کے دوران مدعی نواب اکبر بگٹی کے صاحبزادے نوا بز ادہ جمیل ا کبر بگٹی پیش ہوئے اور عدالت کو بتایاکہ عدالت کی جانب سے انکے مسلسل پیش نہ ہونے کی شکایات پر وہ گزشتہ پیشی پر حاضر ہوئے تھے لیکن جج صاحب شاید چھٹی پر تھے۔
انھوں نے کہاکہ کیس کا مرکزی ملزم تو عدا لت میں پیش نہیں ہو رہا اس وقت تو وہ مکہ مارتے تھے ،اب وہ معا فیا ں مانگتے ہیں ، عدالت نے ریمارکس دیے کہ ماضی کی نسبت اب صورتحال کافی تبدیل ہوگئی ہے۔
عدالت نے نوابزادہ جمیل اکبر بگٹی کی جانب سے دائر درخواستوں پر بحث کیلئے فریقین کو نوٹسز جاری کردیے۔سابق وفاقی وزیر داخلہ آفتاب احمد شیرپاﺅ عدالت میں پیش ہو ئے تاہم سابق صوبائی وزیر داخلہ شعیب نوشیروانی عدالت میں موجود نہیں تھے انکے وکیل جام فاروق کی جانب سے پیش کی گئی درخواست پر عدالت نے شعیب نوشیروانی کی ایک دن کے لئے حاضری سے استثنیٰ کی درخوا ست منظور کر لی۔
ادھر کیس کے مرکزی ملزم سابق صدر جنرل(ر) پرویز مشر ف کے وکیل اختر شاہ پیش ہوئے، بعد میں سماعت 13جنوری 2016 تک ملتوی کر دی گئی۔

اپنی رائے کا اظہار کریں

Your email address will not be published. Required fields are marked *