بزدل دہشت گردوں کا بچوں اورخواتین کونشانہ بنانا قابل مذمت ہے، نریندرمودی

Modi

اسلام آباد -وزیراعظم  نواز شریف کو بھارتی وزیراعظم نریندر مودی نے ٹیلی فون کیا اور لاہور دھما کے پر افسوس کا اظہار کرتے ہوئے کہا کہ  دکھ کی اس گھڑی میں پاکستانی قوم کے ساتھ ہیں۔ ذرائع کے مطابق وزیراعظم  نواز شریف کو بھارتی وزیراعظم نریندر مودی نے ٹیلی فون کیا جس میں انہوں نے لاہور میں ہونے والے خود کش دھما کے پر گہرے دکھ اور افسوس کا اظہار کیا۔ وزیراعظم  نواز شریف  سے گفتگو میں نریندر مودی کا کہنا تھا کہ بزدل دہشت گردوں نے  بم دھماکے میں خواتین اور بچوں کو نشانہ بنایا جو کہ قابل مذمت اورافسوسناک ہے  تاہم ہم دکھ کی اس گھڑی میں پاکستانی قوم کے ساتھ ہیں۔واضح رہے کہ  لاہورمیں گلشن اقبال پارک کے قریب خودکش دھماکے کے نتیجے میں خواتین اور بچوں سمیت 70 افراد جاں بحق اور 300 سے زائد زخمی ہوئے :-

اپنی رائے کا اظہار کریں

Your email address will not be published. Required fields are marked *