سحری کھانے کی برکات، احادیث کی روشنی میں

download (1)

* سحری کهانے میں برکت ہے *

1- عن أنس رضي الله عنه قال قال رسول الله صلى الله عليه وسلم :
((تسحروا فإن في السحور بركة ))
(متفق عليه)

- سيدنا انس رضي الله عنه بيان كرتے ہیں کہ رسول اللہ صلی
اللہ علیہ وسلم نے فرمایا سحری کهایا کرو ! سحری کهانے میں برکت ہے -

* مسلمانوں کی امتیازی علامت *

2- عن عمرو ابن العاص رضي الله عنه قال قال رسول الله صلى الله عليه وسلم : (( فصل مابين صيامنا وصيام أهل الكتاب أكلة السحر))

- سيدنا عمرو بن العاص رضي الله عنه بيان كرتے ہیں کہ رسول الله صلى الله عليه وسلم نے فرمايا كہ ہمارے اور اہل کتاب (یہود و نصارى) كے روزوں کا فرق سحری كهانے کا ہے - (کہ وہ سحري نهیں کہاتے ) (مسلم)

* سحری نہ کهانے سے منع فرمایا *

3- عن أبي هريرة رضي الله عنه قال نهى رسول الله صلى الله عليه وسلم عن الوصال في الصوم فقال له رجل : إنك تواصل يارسول الله صلى الله عليه وسلم قال : ((وأيكم مثلي إني أبيت يطعمني ربي ويسقيني ))
(متفق عليه )

- سيدنا ابو هريرة رضي الله عنه بيان كرتے هیں کہ رسول اللہ صلى الله عليه وسلم نے بغير سحري كهائے لگاتار روزہ رکهنے سے منع فرمایا ہے ایک آدمي نے پوچها اے اللہ کے رسول اللہ صلى الله عليه وسلم آپ لگاتار (پے درپے ، آٹھ پہرہ ) سحري كهائے بغير روزه ركهتے هیں - تو آپ صلى الله عليه وسلم نے فرمایا :((تم میں سے میرے جیسا كون ہو سکتا ہے میں رات گزارتا ہوں تو میرا رب مجهے کهلاتا پلاتا ہے ))

* سحری کا بہترین کهانا *

4 - عن أبي هريرة رضي الله عنه قال قال رسول الله صلى الله عليه وسلم :((نعم سحور المؤمن التمر)) (رواه أبو داود )

- سيدنا ابو ہریره رضي الله عنه بيان كرتے ہیں کہ رسول اللہ صلی اللہ علیہ وسلم نے فرمایا : ((مومن کیلئے سحری كا اچها کهانا کهجوریں ہیں ))

* سحری کهانے والوں پر اللہ اور فرشتوں کی رحمت *

5 - عن أبي سعيد الخدري رضي الله عنه قال قال رسول الله صلى الله عليه وسلم : ((السحور بركة فلا تدعوه ولو أن يجرع أحدكم جرعة ماء فإن الله وملائكته يصلون على المتسحرين )) (رواه احمد ))

- صحابي رسول صلى الله عليه وسلم جناب ابو سعيد خدري رضي الله عنه بيان كرتے ہیں کہ رسول اللہ صلی اللہ علیہ وسلم نے فرمایا کہ سحری کهانا برکت ہے ، اس لئے تم اسے ترک نہ کرو ، خواہ تم میں سے کوئی شخص پانی کا ایک گهونٹ ہی کیوں نہ پی لے ، اس لئے کہ اللہ سبحانه وتعالى اور اس كے فرشتے سحری کهانے والوں پر سلامتی بهیجتے ہیں
(مسند احمد)

* سحری کهانے کا وقت *

6 - عن زيد ابن ثابت رضي الله عنه قال تسحرنا مع رسول الله صلى الله عليه وسلم ثم قمنا إلى الصلاة قلت كم كان قدر مابينهما قال خمسين آية - (رواه مسلم)

- صحابئ رسول صلى الله عليه وسلم سيدنا زيد بن ثابت رضي الله عنه بيان كرتے ہیں کہ ہم رسول اللہ صلی اللہ علیہ وسلم کے ساته سحری کهاتے پهر فجر کی نماز کی ادائیگی کے لئے کهڑے ہوجاتے - میں نے پوچها سحری کهانے اور نماز کی ادائيگی میں کتنا وقفہ ہوتا ؟ تو جواب دیا کہ پچاس آیات پڑہنے کے برابر ہوتا- (تقریبا 10 منٹ)

*سحری کهاتے ہوئے اذان ہوجانا *

7 - عن أبي هريرة رضي الله عنه قال قال رسول الله صلى الله عليه وسلم : ((إذا سمع النداء أحدكم والإناء في يده فلايضعه حتى يقضي حاجته منه ))
(رواه ابو داود)

- سيدنا ابو ہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:((تم میں سے جب کوئی اذان سن لے اور برتن اس کے ہاتھ میں ہو وہ اسکونہ رکهے (نہ چهوڑے) یہاں تک کہ وہ اپنی ضرورت پوری کر لے - (یعنی جو کچه کهاپی رہاہے مکمل کرلے) -

*افطاری کا وقت *

8 - عن عمررضی الله عنه قال قال رسول الله صلی الله علیه وسلم: (( إذا أقبل الليل من ههنا وأدبر النهار من ههنا وغربت الشمس فقد أفطر الصائم ))
(متفق عليه)

- سيدنا عمر رضي اللہ عنہ بیان کرتے ہیں کہ رسول اللہ صلی اللہ علیہ وسلم نےفرمایا : ((کہ جب رات اس طرف (مشرق کی طرف) سے آجائے اوردن مغرب کی طرف چلاجائے اور سورج غروب ہو جائے تو روزہ دار روزه كهول لے))

● مسافر جس علاقہ میں نازل ہورہاہے اسی علاقے کے وقت کا لحاظ کرتے ہوئے روزہ افطار کرے گا

* افطاری میں جلدی کرنا *

9 - عن سهل بن سعد رضی الله عنه قال قال رسول الله صلی الله علیه وسلم:
((لا یزال الناس بخیر ماعجلوا الفطر))

(متفق علیه)

- صحابئ رسول الله صلى الله عليه وسلم جناب سهل بن سعد رضي الله عنہ بیان کرتے ہیں کہ رسول اللہ صلی اللہ علیہ وسلم نے فرمایا ((کہ لوگ اس وقت تک بهلائی پر رہیں گے جب تک افطار میں جلدی کریں گے))

* افطاری کهجور سے سنت ہے *

10 - عن انس ابن مالك رضي الله عنه قال :
((كان النبي صلى الله عليه وسلم يفطر قبل أن يصلي على رطبات فإن لم تكن رطبات فتميرات فإن لم تكن تميرات حسا حسوات من ماء)) (ابو داود)

- سيدنا انس بن مالك رضي الله عنہ بیان کرتے ہیں کہ رسول اللہ صلی اللہ علیہ وسلم نماز مغرب سے پہلے تازه کهجوروں سے روزه افطار کرتے اگر تازہ کهجوریں نہ ہوتیں تو (عام خشک) کهجورں سے افطار کرلیتے - اگر وہ بهی نہ ہوتیں تو پانی کے چند گهونٹ سے روزه افطار کرلیتے -

* پانی سے روزه کی افطاری*

11 - عن سلمان بن عامر رضی الله عنه عن النبی صلی الله علیه وسلم : ((إذا أفطر أحدكم فليفطر على تمر فإن لم يجد فليفطر على یماء فإنه طهور )) (ترمذي 1238)

- صحابئ رسول صلى الله عليه وسلم سلمان بن عامر رضي الله عنه بيان كرتے ہیں کہ نبی اکرم صلى اللہ علیہ وسلم نے فرمایا :((جب کوئی روزہ افطار کرے تو اسے چاہئے کہ کهجور سے افطار کرے اور اگر کهجور نہ ملے تو پانی سے افطار کرلے کیونکہ پانی پاکیزه ہے))

* اللہ سے محبت کی علامت *

12 - عن أبي هريرة رضي الله عنه قال قال رسول الله صلى الله عليه وسلم :
قال الله عزوجل :
(( أحب عبادي إلي أعجلهم فطرا)
) (ترمذي 1235)

- سيدنا ابو ہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا (حدیث قدسی ہے) کہ اللہ عزوجل فرماتا ہے کہ میرے بندوں میں سے سب سے زیادہ محبوب میرے نزدیک وہ ہے جو افطاری کرنے والوں میں سے جلدی کرتاہے -

* افطاری میں تاخیر نہ کریں*

13 - عن أبي هريرة رضي الله عنه قال قال رسول الله صلى الله عليه وسلم : ((لايزال الدين ظاهرا ماعجل الفطر لأن اليهود والنصارى يؤخرون ))

(ابو داود)

- سيدنا ابو هريره رضي الله عنہ بیان کرتے ہیں کہ رسول اللہ صلی اللہ علیہ وسلم نے فرمایا : اس وقت تک دین غالب رہے گا جب تک لوگ افطار جلد كرتے رہیں گے . کیونکہ یهود ونصاری افطاری میں تاخیر کرتے ہیں . ))

* الله سے مانگنے کا وقت *

14 - عن أبي هريرة رضي الله عنه قال قال رسول الله صلى الله عليه وسلم
:((ثلاثة لاترد دعوتهم الصائم حين يفطر والإمام العادل ودعوة المظلوم ))

(ترمذي)

- سیدنا ابو ہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا :(( تین آدمیوں کی دعا رد نہیں ہوتی -
پہلا روزه دار جب روزه افطار كرے -
دوسرا انصاف كرنے والا امام - اور تیسرا مظلوم -

* افطاری کی دعا*

15 - عبد اللہ بن عمر رضی اللہ عنہ بیان کرتے ہیں کہ نبی صلی اللہ علیہ وسلم جب روزہ افطار کرتے تو یہ دعا پڑھتے :
((ذهب الظمأ وابتلت العروق وثبت الأجر إن شاء الله )) .
پیاس جاتی رہی ، رگیں تر ہوگئیں اور اگر الله نے چاہا روزے کا ثواب پکا ہوگیا )
ابو داود....... :۔

اپنی رائے کا اظہار کریں

Your email address will not be published. Required fields are marked *