عائشہ عمر سوشل میڈیا سے دوری اختیار کرنے کے تقریباً 2 ہفتے بعد واپس آگئیں

نامور اداکارہ عائشہ عمر سوشل میڈیا سے دوری اختیار کرنے کے دو ہفتے بعد واپس آگئیں ہیں۔

یاد رہے کہ 10 مئی کو اداکارہ نے اعلان کیا تھا کہ وہ سوشل میڈیا سے کنارہ کشی اختیار کررہی ہیں ’اس دوران میرے پاس نہ موبائل فون ہوگا، نہ انٹرنیٹ، واٹس ایپ/سوشل میڈیا، ٹیکنالوجی اور نہ میرا کسی سے کسی قسم کا رابطہ ہوگا‘۔

عائشہ عمر نے کیپشن میں لکھا تھا کہ وہ اگلے 14 روز کے لیے میں سوشل میڈیا سے دور رہ کر خود کے ساتھ وقت گزارنا چاہتی ہیں۔

انہوں نے لکھا تھا کہ ذہنی، جسمانی، روحانی، جذباتی، کیمیائی، کمرشل لحاظ سے خود کو تازگی دینے کے لیے وہ 14 روز کے دوران صرف خود کے ساتھ وقت گزاریں گیں۔

تاہم اب انہوں نے تقریباً دو ہفتے بعد سوشل میڈیا پر واپس آنے کا اعلان ہے۔

عائشہ عمر نے انسٹاگرام پر 14 روز میں ہونے والی سرگرمیوں کی تصاویر شئیر کرتے ہوئے لکھا کہ ٹیکنالوجی، فون، ٹی وی، سوشل میڈیا، کام، لوگ، آلودگی، کیمیکلز، میک اپ سے دوری اور اس دوران قدرتی مصنوعات کا استعمال، غذائیت سے بھرپور ویجی فوڈ، جڑی بوٹیوں کی چائے پینے کے علاوہ ورزش، یوگا کرنا پرسکون وقت تھا۔

https://instagram.com/p/Cs1CTtmI7b5/embed/captioned/?cr=1&v=13&wp=540&rd=https%3A%2F%2Fwww.dawnnews.tv&rp=%2Fnews%2F1204950%2F#%7B%22ci%22%3A0%2C%22os%22%3A21574.5%2C%22ls%22%3A4261%2C%22le%22%3A21566.5%7D

اداکارہ نے انسٹاگرام پوسٹ پر سمندر کی تصاویر، قریبی دوستوں کے ساتھ تصویر، کھانے اور قدرتی مناظر کی تصاویر شئیر کیں۔

https://instagram.com/p/Cssxwzqol9E/embed/captioned/?cr=1&v=13&wp=540&rd=https%3A%2F%2Fwww.dawnnews.tv&rp=%2Fnews%2F1204950%2F#%7B%22ci%22%3A1%2C%22os%22%3A21609.5%2C%22ls%22%3A4261%2C%22le%22%3A21566.5%7D

شوبز شخصیات آئے روز اپنی ذہنی اور جسمانی صحت کو ترجیح دیتے ہوئے مخصوص وقت کے لیے سوشل میڈیا سے دوری اختیار کرنے کا فیصلہ کرتے ہیں۔

ماہ رمضان سے قبل اداکارہ اور میزبان انوشے اشرف نے ’روحانی پاکیزگی‘ کے لئے سوشل میڈیا سے کنارہ کشی اختیار کی تھی، انہوں نے لکھا تھا کہ رمضان کے برکت والے مہینے سے قبل میں اپنے دل و دماغ اور روح کی پاکیزگی کے لیے سوشل میڈیا سے ایک ہفتے کے لیے وقفہ لے رہی ہوں۔

یاد رہے کہ پاکستانی فلم و ٹیلی ویژن کی اداکارہ ایمان علی نے ناراضگی کا اظہار کرتے ہوئے کہا تھا کہ وہ سوشل میڈیا سے خوش نہیں ہیں، اس کی وجہ یہ ہے کہ سوشل میڈیا پر لوگ دوسروں کی توہین کرتے ہیں۔

یہی نہیں بلکہ اداکارہ اشناہ شاہ، مایا علی بھی سوشل میڈیا سے کچھ وقت کے لیے کنارہ کشی اختیار کرچکی ہیں۔