فٹبال ورلڈ کپ: رونالڈو کا ریکارڈ، پرتگال، سوئٹزرلیند کی جیت، یوروگوائے کا جنوبی کوریا سے مقابلہ برابر
فٹ بال ورلڈ کپ 2022 میں سنسنی خیز مقابلے جاری ہیں جہاں شہرہ آفاق کھلاڑی کرسٹیانو رونالڈ کے ریکارڈ گول کی بدولت پرتگال نے گھانا اور سوئٹزرلینڈ نے کیمرون کو شکست دی جبکہ یوروگوائے اور جنوبی کوریا کے درمیان میچ بغیر نتیجے کے ختم ہوا۔
الجنوب اسٹیڈیم میں گروپ جی کے کھیلے گئے میچ میں سوئٹزرلینڈ نے کیمرون کو 0-1 سے شکست دے دی۔
سوئٹزرلینڈ کے بریل ایمبولو نے میچ کے 48 ویں منٹ میں گول کیا جو پورے میچ کا واحد گول ثابت ہوا۔
کیمرون کی ٹیم گول کرنے میں ناکام ہوئی اور سوئٹزرلینڈ نے میچ کے اختتام تک برتری برقرار رکھی اور 3 قیمتی پوائنٹ حاصل کرلیا۔
ایجوکیشن سٹی میں گروپ ایچ کا پہلا مقابلہ یوروگوائے اور جنوبی کوریا کے درمیان ہوا جہاں دونوں ٹیموں نے ایک دوسرے پر برتری ثابت کرنے کی کوشش کی لیکن کامیابی نہیں ملی۔
مجموعی طور پر یورگوائے کی ٹیم نے اچھے کھیل کا مظاہرہ کیا لیکن وہ جنوبی کوریا کو زیر نہیں کرسکی اور مقررہ وقت تک گول نہیں کرپائی۔
دونوں ٹیموں کو ایک،ایک پوائنٹ دیا گیا۔
Uruguay and Korea Republic begin their campaigns with a point ????@adidasfootball | #FIFAWorldCup
— FIFA World Cup (@FIFAWorldCup) November 24, 2022
گروپ ایچ کا دوسرا میچ اسٹیڈیم 974 (راس ابو عبود) میں پرتگال اور گھانا کے درمیان ہوا۔
گھانا کی ٹیم تجربہ کار پرتگال کے لیے ترنوالہ ثابت نہیں ہوئی اور بھر پور مقابلہ کرتے ہوئے کرسٹیانو رونالڈو کی ٹیم کو اہم مواقع پر مشکلات سے دوچار کردیا۔
پرتگال نے جیت کی کوششیں جاری رکھیں لیکن پہلے ہاف میں کوئی گول نہیں کرسکی۔
میچ میں برتری کے باوجود پرتگال کو آخری لمحات میں گھانا کی ٹیم نے پریشان ضرور کردیا تھا۔
کرسٹیانو رونالڈو نے میچ کے 65 ویں منٹ میں ٹیم کے لیے پہلا گول کیا اور جیت کی بنیاد رکھی تاہم گھانا نے اس برتری کو جلد ہی ختم کردیا۔
Out of this world ??
— FIFA World Cup (@FIFAWorldCup) November 24, 2022
? Cristiano Ronaldo becomes the first man to score at five FIFA World Cups#FIFAWorldCup | @Cristiano pic.twitter.com/3UKqXLsZWd
گھانا کی جانب سے اینڈرے آئیو نے 73 ویں منٹ میں پہلا گول کیا اور پرتگال کے ساتھ میچ برابر کردیا۔
پرتگال کے جواؤ فلکس نے 78 ویں منٹ میں گول کیا، جس سے ٹیم کو ایک مرتبہ پھر برتری ملی، محض دو منٹ بعد رافیل لیاؤ نے گول کرکے ٹیم کی جیت یقینی بنائی۔
گھانا نے 80 ویں منٹ میں پرتگال کے تیسرے گول کے باوجود ہمت نہیں ہاری اور 89 ویں منٹ میں زبردست تیکنیک اپناتے ہوئے ٹیم کا دوسرا گول کیا۔
? Will Portugal still be at the top of the table when the group stage ends?#FIFAWorldCup | #Qatar2022
— FIFA World Cup (@FIFAWorldCup) November 24, 2022
کرسٹیانو رونالڈو اس وقت میدان سے باہر تھے اور گھانا کے لیے عثمان بکاری کے دوسرے گول پر خاصے پریشان نظر آئے تاہم ٹیم نے دفاع کیا۔
پرتگال نے اس جیت کے ساتھ پوائنٹس ٹیبل پر 3 پوائنٹس کے ساتھ پہلی پوزیشن حاصل کرلی۔
?? Portugal picks up three points against Ghana after a hectic second half@adidasfootball | #FIFAWorldCup
— FIFA World Cup (@FIFAWorldCup) November 24, 2022
