پی ایس ایل 8: کوئٹہ گلیڈی ایٹرز بہترین باؤلنگ کے باجود ناکام، قلندرز کی 17 رنز سے جیت
![](https://dunyapakistan.com/wp-content/uploads/2023/03/QG-LQ.jpg)
پاکستان سپر لیگ (پی ایس ایل) 2023 کے میچ میں لاہور قلندرز نے کوئٹہ گلیڈی ایٹرز کو باآسانی 17 رنز سے شکست دے دی جبکہ گلیڈی ایٹرز کے باؤلرز نے اچھی کارکردگی کا مظاہرہ کرتے ہوئے قلندرز کو 148 رنز تک محدود کردیا تھا۔
قذافی اسٹیڈیم لاہور میں کھیلے جارہے پی ایس ایل کے 18 ویں میچ میں کوئٹہ گلیڈی ایٹرز نے ٹاس جیت کر لاہور قلندرز کو پہلے بیٹنگ کی دعوت دی۔
? TOSS UPDATE ?@TeamQuetta win the toss and elect to bowl first ?
— PakistanSuperLeague (@thePSLt20) March 2, 2023
Follow ball-by-ball updates: https://t.co/MkjdKMyGtF#HBLPSL8 | #SabSitarayHumaray | #LQvQG pic.twitter.com/Q6IdDrlB7j
کپتان سرفراز اور اوڈین اسمتھ نے 25 رنز کی شراکت قائم کی اور اسکور 105 رنز تک پہنچایا۔
اوڈین اسمتھ 11 رنز بنا کر حارث رؤف کی گیند پر آؤٹ ہوئے، یہ ان کی دوسری وکٹ تھی۔
محمد نواز بھی اچھی کارکردگی کا مظاہرہ نہ کرپائے اور 4 رنز پر حارث رؤف نے انہیں بولڈ کیا۔
کوئٹہ گلیڈی ایٹرز کے عمید آصف نے 11 رنز بنا کر کپتان سرفراز کا ساتھ دیا لیکن ٹیم کو آخری اوور میں جیت دلانے میں ناکام رہے۔
کوئٹہ گلیڈی ایٹرز کی ٹیم مقررہ اوورز میں 7 وکٹوں پر 131 رنز بنا سکی اور 17 رنز سے شکست کھا گئی۔
سرفراز احمد 27 اور عمید آصف 11 رنز بنا کر ناٹ آؤٹ رہے۔
لاہور قلندرز کی جانب حارث رؤف نے سب سے زیادہ 3 اور راشد خان نے دو وکٹیں حاصل کیں۔