عرب میڈیا پر وائرل ہونے والے بزرگ کون ہیں؟

April 27, 2023 ایڈمن ڈیسک

گزشتہ ہفتے رمضان المبارک کے آخری عشرے میں عرب میڈیا اور سوشل میڈیا پر ہاتھ میں لاٹھی تھامے، ننگے پاؤں چلتے باریش بزرگ کی ویڈیوز وائرل ہوئیں، جنہیں مسجد نبوی ﷺ کے احاطے میں پریشان انداز میں گھومتے ہوئے دیکھا گیا تھا۔

مذکورہ بزرگ شخص کی پریشانی کی حالت میں مسجد کے احاطے میں چلنے کی ویڈیوز ابتدائی طور پر عرب سوشل میڈیا پر وائرل ہوئی تھیں، جس میں بزرگ شخص کے انداز کو بزرگان دین اور صحابہ اکرام جیسا قرار دیا جا رہا تھا۔

ان کی ویڈیوز وائرل ہونے پر بعض لوگوں نے انہیں عرب جب کہ بعض لوگوں نے انہیں افغانی نژاد شخص قرار دیا، تاہم درحقیقت وہ بزرگ شخص پاکستانی تھے۔

مدینہ منورہ میں دیکھے جانے والی وہ بزرگ شخصیت جنہوں نے پوری دنیا کے مسلمانوں کی توجہ حاصل کرلی ھے ? pic.twitter.com/ScFNk8Hs30
— ✍کھری باتیں ?? (@AzizUrRehman83) April 21, 2023

مذکورہ ویڈیوز میں وائرل ہونے والے ضعیف العمر بزرگ شخص کا تعلق صوبہ بلوچستان کے ضلع حب کے ایک چھوٹے سے گاؤں سے ہے۔

عرب نیوز کے مطابق عرب سوشل میڈیا پر وائرل ہونے والے بزرگ شخص کا تعلق بلوچستان کے ضلع حب کے چھوٹے سے گاؤں گوٹھ حاجی محمد رحیم مری سے ہے۔

رپورٹ کے مطابق بزرگ شخص کی عمر 82 برس ہے اور ان کا نام عبدالقادر بخش مری ہے جن کی مادری زبان بلوچی ہے اور ان کے پانچ بیٹے ہیں۔

پورے عرب کو اپنی سادگی سے متاثر کرنے والی شخصیت۔۔!

پورے عرب میں شوشل میڈیا پر یہ ویڈیو وائرل ہو رہی ہے۔ عوام و خواص ان کی سادگی پر فدا ہو رہے ہیں۔ علماء عرب بزرگ کو "امیر المؤمنین حضرت ابوبکر صدیق رضی اللہ عنہ" کے مشابہ قرار دے رہے ہیں۔ #المدينة__المنورة #عشق_مصطفیٰﷺ pic.twitter.com/PdDbC0sCks
— Shams Tabrez Anjum (@ShamsTabrez092) April 20, 2023

وائرل ہونے والے بزرگ شخص نے ’عرب نیوز‘ کو بتایا کہ وہ انتہائی غریب ہیں، ان کے پاس اپنا مکان تک نہیں جب کہ انہیں عمرے کی سعادت حاصل کرنے کے لیے 15 سال تک پیسے جمع کرنے پڑے۔

انہوں نے بتایا کہ انہوں نے عمرے کے لیے پیسوں کا انتظام کرنے کے لیے پہلے مویشی خریدے، انہیں پالا اور پھر انہیں فروخت کرکے ان سے حاصل ہونے والے پیسوں سے ویزا اور سعودی عرب کا ٹکٹ لیا۔

وائرل بابا جی پاکستان پہنچ گئے۔۔
بابا جی کا نام عبدالقادر ہے جو مری بلوچ ہیں زرائع سے معلوم ہوا کہ گوٹھ حاجی محمد رحیم مری ساکران روڈ حب چوکی بلوچستان کے رہائشی ہیں۔ انکی وڈیو عرب میڈیا پر پچھلے کچھ دنوں سے بہت وائرل اور ٹریڈنگ ہے۔@ShirazHassan @NKMalazai pic.twitter.com/FphsEXyVRJ
— Dileep kumar khatri? (@DileepKumarPak) April 21, 2023

عبدالقادر بخش کا کہنا تھا کہ انہیں کئی سال سے مقدس مقامات دیکھنے کی خواہش تھی مگر غربت کی وجہ سے وہ سعودیہ نہیں جا پارہے تھے لیکن اب وہ خوش ہیں کہ 15 سال کی محنت کے بعد وہ روضہ رسول ﷺ کو دیکھ کر آئے۔

ان کا کہنا تھا کہ ان کے پاس موبائل نہیں ہے اور نہ ہی انہیں یہ علم تھا کہ ان کی ویڈیو کسی نے بنا کر سوشل میڈیا پر وائرل کردی ہے۔

پیچھلے دو چار دن سے عمرہ کے دوران مسجد نبوی صلی اللّٰہ علیہ وسلم میں یہ سفید پوش بزرگ کی ویڈیو پورے عرب میڈیا پر وائرل ہے ، ٹرینڈنگ کر رہی ہے ،،
عرب لوگوں نے لکھا ہے کہ ان بزرگ کی داڑھی ، پگڑھی ، عصا ،، چادر لینے کا انداز اور سادگی ایسی ہے کہ جیسے یہ بزرگ صحابہ کرام کے دور سے… pic.twitter.com/qCFaYUntIw
— Sajid usmani (@SajidFb) April 20, 2023

بزرگ شخص اپنی وائرل ویڈیوز کو دیکھ کر حیران بھی رہ گئے، تاہم انہوں نے اس بات پر خوشی اور اطمینان کا اظہار کیا کہ خدا نے انہیں مقدس مقامات کی زیارت کرنے اور عمرے کی ادائیگی کے لیے منتخب کیا۔

عبدالقادر بخش مری نے بتایا کہ ان کی خواہش ہے کہ وہ حج کا فریضہ بھی ادا کریں، تاہم غربت کی وجہ سے ایسا کرنا ممکن نہیں۔

انہوں نے مزید کہا کہ لیکن خدا نے چاہا تو وہ ضرور حج بھی ادا کرنے جائیں گے۔