انگلش باؤلرز کی عمدہ باؤلنگ، پاکستانی ٹیم 202 رنز پر ڈھیر

انگلینڈ کے خلاف دوسرے ٹیسٹ میچ میں پاکستان کی ٹیم بابر اعظم اور سعود شکیل کی نصف سنچریوں کے باوجود 202 رنز بنا کر آؤٹ ہو گئی اور انگلینڈ نے پہلی اننگز میں 79 رنز کی برتری حاصل کر لی۔

راولپنڈی میں جاری سیریز کے دوسرے ٹیسٹ میچ کے دوسرے دن 107 رنز دو کھلاڑی آؤٹ سے پاکستان کی پہلی اننگز کا کھیل دوبارہ شروع ہوا تو بابر اعظم اور سعود شکیل وکٹ پر موجود تھے۔

انگلینڈ کو دن کے آغاز پر وکٹ کے لیے زیادہ انتظار نہیں کرنا پڑا اور اننگز کے 35ویں اوور میں انگلش کپتان نے گزشتہ میچ کے ہیرو اولی رابنسن کو متعارف کرایا جنہوں نے کپتان کا فیصلہ درست ثابت کرتے ہوئے دوسری ہی گیند پر بابر کو چلتا کردیا، انہوں نے 75 رنز بنائے۔

Quality innings ?

Second half-century for @saudshak in just his third Test innings ✅#PAKvENG | #UKSePK pic.twitter.com/5yM87odtBV

— Pakistan Cricket (@TheRealPCB) December 10, 2022

بابر کے آؤٹ ہونے کے بعد انگلش ٹیم نے پاکستان کا دباؤ کا شکار کر دیا اور رنز بنانے کی رفتار بھی انتہائی سست ہو گئی جس کا اندازہ اس بات سے لگایا جا سکتا ہے کہ اگلے اوورز میں صرف 16 رنز بنے جبکہ محمد رضوان نے 28ویں گیند پر کھاتا کھولا۔

سعود شکیل نے بڑھتے ہوئے دباؤ کو کم کرنے کے لیے جیک لیچ کو ایک چوکا رسید کیا اور پھر وکٹ سے باہر نکل کر ایک اور شاٹ مارنے کی کوشش میں انہی کو وکٹ دے کر چلتے بنے اور یوں ان کی 63 رنز کی اننگز اختتام کو پہنچی۔

Ollie. Robinson.

Scorecard: https://t.co/YZ0B7FG0XU

?? #PAKvENG ??????? pic.twitter.com/nxgxt7W0m0

— England Cricket (@englandcricket) December 10, 2022

سعود شکیل کے آؤٹ ہونے کے ساتھ ہی پاکستانی کھلاڑیوں کے آؤٹ ہونے کا ایسا سلسلہ شروع ہوا کہ جو اننگز کے اختتام تک تھم نہ سکا اور کوئی کھلاڑی انگلش باؤلرز کا سامنا نہ کر سکا اور حتیٰ کہ پارٹ ٹائم اسپنر جو روٹ بھی دو وکٹیں لے اڑے۔

فہیم اشرف نے اختتامی اوورز میں چند بڑے شاٹس کھیل کر 22 رنز کی اننگز کھیلی لیکن ان کی اس کاوش کے باوجود پوری ٹیم 202 رنز پر ڈھیر ہو گئی۔

A tough morning session on Day Two.

England earn a first-innings lead of 79 runs ?#PAKvENG | #UKSePK pic.twitter.com/slg1xhkYhf

— Pakistan Cricket (@TheRealPCB) December 10, 2022

انگلینڈ کی جانب سے جیک لیچ نے چار جبکہ مارک وُڈ اور جو روٹ نے دو، دو وکٹیں لیں۔

پاکستان نے آخری 8 وکٹیں صرف 60 رنز کے اضافے سے گنوائیں۔

انگلینڈ نے میچ کی پہلی اننگز میں 79 رنز ی برتری حاصل کی جہاں مہمان ٹیم نے پہلے کھیلتے ہوئے 281 رنز کا مجموعہ اسکور بورڈ پر سجایا تھا۔