کراچی ٹیسٹ: انگلینڈ نے پاکستان کو شکست دے کر پہلی بار ہوم سیریز میں ’وائٹ واش‘ کردیا
انگلینڈ نے سیریز کے تیسرے اور آخری ٹیسٹ میں بھی شاندار کارکردگی کا سلسلہ جاری رکھتے ہوئے پاکستان کو شکست دے کر میزبان ٹیم کو پہلی بار ہوم سیریز میں ’وائٹ واش‘ کردیا۔
کراچی میں کھیلا گیا تیسرا ٹیسٹ میچ انگلینڈ نے 8 وکٹوں سے جیت لیا، پاکستان کرکٹ ٹیم نے انگلش ٹیم کو جیت کے لیے 167 رنز کا ہدف دیا جو اس نے 2 وکٹوں کے نقصان پر پورا کرلیا۔
England win the third Test by eight wickets.#PAKvENG | #UKSePK pic.twitter.com/EMwiQeqb0Z
— Pakistan Cricket (@TheRealPCB) December 20, 2022
انگلینڈ کی جانب سے اوپنر بین ڈکٹ 82 اور کپتان بین اسٹوکس 35 رنز بنا کر ناٹ آؤٹ رہے جب کہ گزشتہ روز آخری سیشن میں ہدف کے تعاقب میں انگلش بلے بازوں نے جارحانہ کرکٹ کھیلتے ہوئے 2 وکٹوں کے نقصان پر 112 رنز بنالیے تھے، اوپنر زیک کرالی 41 گیندوں کا سامنا کرتے ہوئے 41 بنا کر آؤٹ ہوئے تھے جب کہ ریحان احمد 10 رنز بنا کر پویلین لوٹ گئے تھے۔
اس سے قبل پاکستان کرکٹ ٹیم دوسری اننگز میں 216 رنز بنا کر آؤٹ ہوگئی تھی اور انگلش ٹیم کو جیت کے لیے 167 رنز کا ہدف دیا تھا، قومی ٹیم کی جانب سے کپتان بابر اعظم نے 54 اور سعود شکیل نے 53 رنز بنائے تھے۔
انگلینڈ کی جانب سے ڈیبیو کرنے والے نوجوان اسپنر محمد ریحان نے شان دار باؤلنگ کا مظاہرہ کرتے ہوئے 5 وکٹیں حاصل کی تھیں۔
What a moment this was!
— England Cricket (@englandcricket) December 19, 2022
He's EIGHTEEN!!
?? #PAKvENG ??????? pic.twitter.com/5GGq6udnLz
ریحان احمد ڈیبیو میچ میں 5 وکٹیں لینے والے اب تک کے سب سے کم عمر کرکٹر بن گئے تھے۔
The youngest ever Men's Test cricketer to take a five-fer on debut ?
— England Cricket (@englandcricket) December 19, 2022
?? #PAKvENG ??????? pic.twitter.com/FxCnFLzzOg
اس سے قبل نگلینڈ کی ٹیم برصغیر میں صرف سری لنکا کے خلاف 2018 میں 0-3 سے ’کلین سوئپ‘ کر سکی تھی جبکہ پاکستان میں ہونے والی کسی بھی سیریز کے تمام میچز میزبان ٹیم کبھی نہیں ہاری تھی۔
??????? ???? ? ???????? ?-? ????? ?? ????????! ?????????
— ESPNcricinfo (@ESPNcricinfo) December 20, 2022
It's the first time Pakistan have been whitewashed in a Test series on home soil! #PAKvENG pic.twitter.com/tenMts7yNZ
انگلینڈ نے 3 ٹیسٹ میچوں کی سیریز کے پہلے میچ میں میزبان پاکستان کو 74 رنز جبکہ دوسرے میچ میں 26 رنز سے شکست دے کر سیریز اپنے نام کرلی تھی۔
یہ پہلا موقع ہے کہ پاکستان مسلسل چوتھی ہوم سیریز ہارا ہے۔
Pakistan have lost four home Tests in a row for the first time ? #PAKvENG pic.twitter.com/oWYStHjThN
— ESPNcricinfo (@ESPNcricinfo) December 20, 2022
سیریز کا دوسرا میچ جیتنے کے بعد انگلینڈ نے 22 سال بعد پاکستان میں سیریز میں کامیابی حاصل کی تھی، انگلش ٹیم نے سیکیورٹی مسائل کی وجہ سے 2005 سے پاکستان کو دورہ نہیں کیا تھا۔
