امام الحق کی شادی کی تقریبات کا آغاز، بابراعظم سمیت دیگر کرکٹرز کی شرکت

قومی کرکٹ ٹیم کے اوپنر بلے باز امام الحق کی شادی کی تقریب کا آغاز ہوچکا ہے، گزشتہ رات قوالی نائٹ کی تقریب میں بابراعظم سمیت دیگر کھلاڑیوں نے شرکت کی جس کی ویڈیوز سوشل میڈیا پر گردش کررہی ہیں۔

کرکٹر امام الحق انمول محمود کے ساتھ جلد ہی شادی کے بندھن میں بندھنے والے ہیں جن کی 21 نومبر کو ناورے میں مہندی کی تقریب ہوئی تھی۔

سوشل میڈیا پلیٹ فارم انسٹاگرام پر انمول محمود نے اپنی ناروے میں لیے گئے فوٹوشوٹ کی تصاویر شئیر کی تھیں۔

اب گزشتہ روز لاہور میں قوالی نائٹ کا اہتمام کیا گیا جس کی تصاویر اور ویڈیوز سوشل میڈیا پر وائرل ہوئیں، امام الحق نے اپنے آفیشل انسٹاگرام اکاؤنٹ پر بھی انمول محمود کے ساتھ تصاویر شئیر کرتے ہوئے کیپشن میں لکھا کہ وہ قوالی نائٹ کے لیے تیار ہیں۔

قوالی نائٹ کے لیے انمول محمود نے سلور رنگ کا جوڑا جبکہ امام الحق نے نیلے رنگ کے کرتا پاجاما کا انتخاب کیا۔

تقریب میں پاکستان کے سابق کپتان بابر اعظم کو امام الحق سے گلے ملتے بھی دیکھا گیا۔

What's he doing with his Kurta!?😭🤌🏻
He's such a kiddo❤️🥹#ImamUlHaq #Iman #BabarAzam #BabarLaughed #Imankianmol pic.twitter.com/R8qJOnSsSV

— GulaboO⁵⁶🇵🇰🇵🇸 (@Nayab295) November 23, 2023

دوسری جانب پھول نگر میں پاکستان کرکٹ ٹیم کے آل راؤنڈر فہیم اشرف بھی شادی کی تیاریوں میں مصروف ہیں، ان کی مہندی کی تقریب کی ویڈیوز بھی سوشل میڈیا پر گردش کررہی ہیں۔

تقریب میں قریبی دوستوں اور رشتہ داروں نے شرکت کی، میڈیا رپورٹس کے مطابق ان کے ولیمے کی تقریب 26 نومبر کو ہوگی۔

قبل ازیں رواں سال قومی ٹیم کے متعدد کرکٹرز شادی کے بندھن میں بندھ چکے ہیں جن میں حارث رؤف، شاہین شاہ آفریدی، شان مسعود، شاداب خان شامل ہیں۔

Cricketer Rana Faheem Ashraf in his Rasm-e – Hina Ceremony at Phool Nagar.💓#ImamUlHaq pic.twitter.com/U0GR5L7sv3

— 𝐀𝐌𝐉𝐀𝐃 𝐓𝐖𝐄𝐄𝐓𝐒✍️ (@amjadiq84) November 24, 2023

Mehndi Ceremony Of Faheem Ashraf ❤️#BabarAzam #ImamUlHaq #Faheem
pic.twitter.com/rQmVurgyPt

— Muhammad Ibrar (@iMIbrarr) November 23, 2023